Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Універсітэт імя Ніла Гілевіча адкрыў новы рахунак для ахвяраванняў на дзейнасць (абноўлена)

Прыватная ўстанова адукацыі "Універсітэт імя Ніла Гілевіча" адкрыла разліковыя рахункі і ў замежнай валюце. Цяпер ахвяраваць на дзейнасць установы можна ў далярах, еўра ці расійскіх рублях.

Сродкі на дзейнасць універсітэта можна пералічыць у беларускіх рублях на рахунак BY49BLBB30150193050167001001 

і ў беларускіх рублях на дабрачынны рахунак для ахвяраванняў BY56BLBB31350193050167001001

BIC BLBBBY2X УНП 193050167 (ААТ "Белінвестбанк").

У замежнай валюце на наступныя рахункі:

BY22BLBB30150193050167001002 - у валюце USD;

BY92BLBB30150193050167001003 - у валюце EUR;

BY65BLBB30150193050167001004 - у валюце RUB.

З усімі пытаннямі звяртайцеся на электронную пошту: nhuniversitet@gmail.com

2018.11.15 0

Кіраўніцтва Універсітэта імя Ніла Гілевіча пабывала ў Полацку з расповедам пра будучыню і перспектывы ўніверсітэта

У панядзелак, 15 кастрычніка, рэктарат Універсітэта імя Ніла Гілевіча пабываў у Полацку па просьбе грамадскасці, зацікаўленай даведацца больш пра планы і дзейнасць універсітэта. Сярод кіраўніцтва быў в.а. рэктара Алег Трусаў, першы прарэктар Уладзімір Колас, адказны за фармаванне бібліятэкі Лявон Баршчэўскі і адказны за гаспадарчую частку Яўген Кажарскі. На сустрэчу прыйшло два дзясяткі чалавек, якія не толькі слухалі, але і задавалі пытанні, дзяліліся сваімі думкамі і парадамі.

Сп. Лявон Баршчэўскі распавёў пра тэматыку бібліятэчных выданняў, прычым некаторыя выданні можна было пагартаць і азнаёміцца. Сп. Уладзімір Колас звярнуў увагу на будучыя адукацыйныя накірункі, патлумачыў, чаму менавіта яны былі абраныя. Сп. Алег Трусаў падзяліўся і практычным досведам, распавёў пра тое, наколькі важнай з'яўляецца адукацыя менавіта па-беларуску ці праз беларускую мову, бо ідэя стварэння ўніверсітэта якрах і палягае ў тым, што нацыятворчы працэс непарыўна звязаны з якаснай вышэйшай адукацыяй.

 

2018.10.16 0

Пра Універсітэт імя Ніла Гілевіча даведаліся і ў Лідзе

У суботу, 13 кастрычніка, адбылася паездка кіраўніцтва ТБМ і рэктарата Універсітэта імя Ніла Гілевіча ў Ліду. У Лідскім замку было запланавана правядзенне круглага стала, прысвечанага гісторыі рэстаўрацыі гэтага помніка архітэктуры. У паседжанні бралі ўдзел прадстаўнікі мясцовай улады, моладзь, журналісты мясцовых СМІ, грамадскія актывісты.

Асноўным выступоўцам быў Алег Трусаў, кандыдат гістарычных навук, які ад самага пачатку ўдзельнічаў у раскопках на тэрыторыі замка і найбольш дасведчаны ў гэтай тэме. Яму задавалі шмат пытанняў, што датычыліся археалагічных даследаванняў, знаходак, а таксама легендаў і міфаў адносна “падземных хадоў” з Лідскага замка. Быў паказаны фільм, зняты некалькі гадоў таму кінастудыяй “Беларусьфільм”, прысвечаны адраджэнню гэтага адметнага гістарычнага помніка. З невялікім паведамленнем выступіў мясцовы краязнаўца, пісьменнік Лявон Лаўрэш. Круглы стол быў арганізаваны дырэктарам музея Ганнай Некрашэвіч. Напрыканцы сустрэчы была арганізаваная экскурсія па тэрыторыі замка з аглядам экспазіцыі.  

Падчас паседжання старшыня ТБМ, дэпутат Алена Анісім, в. а. рэктара Алег Трусаў, першы прарэктар Уладзімір Колас, прарэктар па навучальнай і акадэмічнай працы Павел Церашковіч прэзентавалі дзейнасць Універсітэта імя Ніла Гілевіча. У сваіх выступах яны закцэнтавалі ўвагу на адметнасці новастворанай установы адукацыі, распавялі пра сваё бачанне выкладання ў сучаснай вну. У прысутных выклікала зацікаўленасць інфармацыя пра запланаваныя спецыяльнасці, а таксама падрыхтоўчыя курсы, навучанне на якіх ужо пачалося. Старшакласнікі, якія прысутнічалі ў канферэнц-зале замка, запоўнілі прапанаваныя анкеты.

 

2018.10.14 0

Прайшла прэзентацыя новага сайта газеты "Наша слова" nslowa.by

У чацвер, 11 кастрычніка, у офісе ТБМ адбылася прэзентацыя новага сайта газеты "Наша слова" nslowa.by. Рэдактар газеты і сайта Станіслаў Суднік распавёў пра накіраванасць праекта, пра перспектыву пераходу толькі на электроннае выданне ў будучыні, тэматыку і развіццё, фактычна, новага навінавага партала.

Цікава, што і вольную назву сайта таксама было няпроста абраць, выратавала, як распавёў сп. Станіслаў, менавіта напісанне праз w. Сайт напаўняецца штодня і мае шырокі тэматычны партфель. Дарэчы, цяпер "Наша слова" мае ўжо 2 сайты. Першы naszaslowa.by таксама актыўны і напаўняецца, але больш накіраваны менавіта на тую аўдыторыю, якая прывыкла да друкаванага фармата. Новы больш разгалінаваны і тэматычна шырэйшы.

 

2018.10.12 1

Запрашаем на прэзентацыю новага сайта газеты "Наша слова"

Сёння, 11 кастрычніка, у офісе ТБМ (Румянцава, 13) у 17:00 адбудзецца прэзентацыя новага сайта газеты "Наша слова". На прэзентацыі рэдактар газеты Станіслаў Суднік і стваральнік сайта распавядуць пра перспектывы праетка, тэматыку і развіццё электроннага выдання.

Запрашаем, уваход вольны!

2018.10.11 0

#dreamgirl (паштоўкi)

На сайце oz.by можна замовиць выдатны набор паштовак па-беларуску #dreamgirl. Прыдумала их Марыя Чаракова.

Кожнай дзяўчынцы (няважна, колькi ёй гадоў!) час ад часу патрэбна натхненне ў вяселыя i сумныя моманты. Гэтая кнiга - набор крэатыўных паштовак, з дапамогай якiх ты можаш стварыць сваю "Сцяну мары". Яна нагадае табе пра тое, што ты хочаш зрабiць да сваiх 80 гадоў, хто ты ў сваiм сакрэтным жыццi i ў якiя краiны цябе вееельмi цягне.

Размясцi яе так, як табе падабаецца, i будзь #dreamgirl, якая жыве сваей марай!

Ты таксама можаш дасылаць i дарыць паштоўкi сябрам, бацькам, каханаму, бабулям, дзядулям i усiм, каго ты хочаш пацешыць.

2018.09.14 0

Збор подпісаў за беларускую мову на этыкетках тавараў

Зварот за беларускую мову на этыкетках тавараў сабраў ужо 1571 подпіс, і гэта нядзіўна, бо і тут мову дыскрымінуюць. Па законе, у Беларусі сёння забаронена пісаць на этыкетках толькі па-беларуску, і ў той жа час толькі па руску пісаць можна. Падпісвайцеся, калі згодныя, што гэта несправядліва!

На збор подпісаў застаецца яшчэ 11 дзён, потым зварот будзе накіраваны ў Дзяржаўны камітэт па стандартызацыі і ў Нацыянальны цэнтр заканадаўства і прававых даследаванняў Рэспублікі Беларусь.

2018.09.13 0

Ліставанне ТБМ з уладамі адносна ўсталявання бюста Алесю Адамовічу

Нядаўна мы атрымалі адказ з Бабруйскага райвыканкама адносна прапановы ўсталяваць бюст Алесю Адамовічу па эскізу Гэніка Лойкі і Яўгена Білея ў в. Глуша. Са смерці Адамовіча прайшло ўжо амаль 25 год, а ў Беларусі няма ні помніка, ні памятнай шыльды на доме, дзе жыў Адамовіч, беларускі пісьменнік і грамадскі дзеяч.

Цалкам ліставанне далей.

2018.08.30 0

Прэзентацыя сайта nslowa.by

У офісе ТБМ у панядзелак, 28 жніўня, адбылася прэзентацыя інтэрнэт версіі газеты "Наша слова" - сайт nslowa.by. На сустрэчы рэдактар газеты Станіслаў Суднік распавёў пра тое, што друкаваная газета і навіны на сайце будуць дублявацца толькі часткова, многае будзе толькі ў інтэрнэт версіі.

2018.08.28 0