Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

V Міжнародны фестываль міфалогіі “У госці да Лепельскага Цмока”

У суботу 18 жніўня ў Лепелі ва Урочышчы Цмока адбудзецца V Міжнародны фестываль міфалогіі “У госці да Лепельскага Цмока”. Праграма пачнецца з 11:00. Сярод выступоўцаў гурт "Рада", Зміцер Вайцюшкевіч, "Рокаш", "Рэха", "Нагуаль" і многія іншыя. Акрамя музычнай праграмы гасцей чакае многа іншых цікавостак.

2018.08.15 0

Палiна Рэспублiка ў дворыку Палаца Мастацтва

У пятніцу, 17 жніўня, адбудзецца ўтульны канцэрт Паліны Рэспублікі ў дворыку Палаца Мастацтва (вул.Казлова 3, ст.м.Плошча Перамогi). Цёплыя песні ў пятнічны вечар і лёгкі летні настрой. Прыходзьце спяваць і радавацца з намі! Разам - цяплей!

Квіткі загадзя: 10 танцпляц /15 месца за столікам. У дзень канцэрта + 5р.
Квiткi ан-лайн на www.graffiti.by i на месцах. Дадатковая інфармацыя: 638-4444

2018.08.15 0

Паэтычны улун – вершы, гітара і кітайскі чай. Па запісе!

У чацвер, 23 жніўня, а 19 гадзіне ў кніжна-выставачнай прасторы "Кніжная шафа" (пр. Дзяржынскага, 9) адбудзецца медытатыўнае чаяванне ў атачэнні паэзіі і музыкі. Свята гуку, слова, святла, смаку і водару – узнёслае, праяўленае ў будзённым… Будзённае, выяўленае праз узнёслае… Далучайцеся!
Увага: колькасьць месцаў абмежаваная, таму, каб запісацца, зьвяртайцеся сюды: https://www.facebook.com/ekaterina.mosse
Да сустрэчы!

2018.08.15 0

Бясплатны канцэрт Re1ikt

Канцэрт гурта Re1ikt адбудзецца ў Карэтным дворыку ў Менску (вул. Кірыла і Мефодзія, 8) 8 верасня. Пачатак — 20:30. Уваход на імпрэзу вольны.

2018.08.15 0

На рамонт касцёла св. Роха сабралі ўжо 104%

Праект на талацэ  "Неадкладны рамонт касцёла св. Роха на Залатой Горцы ў Мінску" сабраў ужо 104% ад неабходнай сумы. Служыцелі касцёла і валанцёры ўжо практычна завяршылі рамонт. Больш за тое, прыбралі і ўпрыгожылі тэрыторыю вакол і пабудавалі шматфункцыянальную дзіцячую пляцоўку! Давайце дапаможам яшчэ трошкі, каб усё атрымалася і нават больш, бо на збор сродкаў застаецца яшчэ 5 дзён!

А ў чацве, 16 жніўня, у 17.30 будзе ўрачыстае адкрыццё дзіцячай пляцоўкі і фотавыставы Ірыны Ермаковай. 

2018.08.15 0

Міжнародны юбілейны фестываль "Камяніца"

Міжнародны юбілейны фестываль "Камяніца" адбудзецца 1 верасня! Фестываль узначаляць этна-трыа "Троіца" (Беларусь), Лявон Вольскі з Паўлам Аракелянам, Зміцер Вайцюшкевіч з WZ-Orchestra, Joryj Kloc (Украіна), Тесто (Расія). 

Квіткі ў папярэднім продажы і ў першую гадзіну фестывалю каштуюць 15 рублёў (да 13:00 1 верасня). Пасля – 20 рублёў. Школьнікам і студэнтам – ільготы. Продаж на сайце і ў касах Kvitki.by, а таксама ў офісе Музея народнай архітэктуры і побыту ў Мінску. Адрас: вул. Кальварыйская д.17, к.614. Час працы: з 10:00 да 16:30. Пры продажы праз Kvitki.by будзе дадавацца камісія 3 рублі. 

Прадугледжаныя ільготы для школьнікаў і студэнтаў. Уваход на фестываль для гледачоў у поўных версіях нацыянальных строяў (ад галаўных убораў да абутку) будзе бясплатным. 

Інфалінія: (033) 661-14-32, (017) 209‑41-63.

2018.08.15 0

Фэст "Менск старажытны"

У самым цэнтры Менска 8-9 верасня пройдзе Фестываль гісторыі і культуры "Менск старажытны". Фэст адкрыецца на зялёнай зоне каля скрыжавання праспектаў Пераможцаў і Машэрава 8 верасня 2018 г. аб 11:00 раніцы.

Конны рыцарскі турнір, бугурты - масавыя спаборніцтвы рыцараў, турнір лучнікаў, канцэртная праграма і многае іншае. Больш інфармацыі па спасылцы vk.com/mensk_starazitny.

2018.08.15 0

Фотаконкурс "Дзелавы ровар: Круці па справе"

Менскае роварнае таварыства (паводле Асамблеі НДА Беларусі) ладзіць фотаконкурс “Дзелавы ровар: Круці па справе”, каб знайсці і заахвоціць кампаніі, дзе супрацоўнікі і супрацоўніцы аддаюць перавагу экалагічнаму віду транспарта. Да ўдзелу ў конкурсе запрашаюцца любыя арганізацыі, якія працуюць у Горадні, Менску, Берасці, Гомелі. Каб прыняць удзел у конкурсе, неабходна запоўніць заяўку да 20 верасня 2018 (Гародня, Берасце, Гомель), да 31 жніўня (Менск).

У конкурсе ўдзельнічаюць здымкі, апублікаваныя ў сацыяльных сетках Facebook, Vkontakte, Instagram з 1 па 31 жніўня ўключна, з указаннем назвы кампаніі ці арганізацыі.
Больш на сайце delovelo.by, а таксама ў сацсетках www.facebook.com/velo.ecoidea/www.vk.com/delovelo_by

2018.08.14 0

Паказ cтужкі "Песні старой Еўропы" ў Мінску

У наступную пятніцу, 24 жніўня, у галерэі TUT.BY адбудзецца паказ стужкі "Песні старой Еўропы" рэжысёркі Волі Дземкі.

Паказ дакументальнага фільма "Песні старой Еўропы — старажытныя беларускія народныя песні" на беларускай мове адбудзецца 24-га жніўня а 19-й гадзіне ў галерэе TUT.BY (Дзяржынскага 57, Мінск, Беларусь).
Уваход па папярэдняй рэгістрацыі. На ўваходзе з боку службы бяспекі галерэі TUT.BY будзе ажыццяўляцца фэйскантроль. Квіткі можна замовiць па спасылцы.Фільм будзе прадстаўляць рэжысёрка стужкі Воля Дземка.

На 14 жніўня рэгiстрацыя была ўжо закрыта.ле можна пакiнуць каментар, i з Вамі звяжуцца, як толькi з’явяцца вольныя месцы. Дзякуй вялiкi за разуменне!

2018.08.14 0