Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Прафесар, доктар гістарычных навук Валянцін Голубеў распачынае выкладаць курс па гісторыі Беларусі ва Універсітэце імя Ніла Гілевіча

На падрыхтоўчых курсах Прыватнай установы адукацыі “Універсітэт імя Ніла Гілевіча” з панядзелка 3 снежня 17:30 пачынаецца курс лекцый па гісторыі Беларусі. Лектар – вядомы вучоны, доктар гістарычных навук, прафесар Валянцін Голубеў.

Курс уключае ў сябе 36 гадзін лекцый. Заняткі праводзяцца адзін раз на тыдзень.

Чакаем усіх неабыякавых да сваёй гісторыі сяброў!

Па пытаннях наведвання курса і аплаты звяртацца па тэл: +375 29 6383359 спн. Эліна.

 

2018.12.03 0

Ліставанне Алены Анісім з Саветам Міністраў і з Міністэрствам юстыцыі адносна забеспячэння моўных правоў грамадзян Беларусі

Прапануем азнаёміцца з ліставаннем Алены Анісім з Саветам Міністраў і з Міністэрствам юстыцыі адносна Пастаноў, на падставе якіх парушаюцца правы грамадзян на карыстанне беларускай мовы.

2018.11.30 3

Кнігарня “Маладосць” і часопіс “Маладосць” пачынаюць сумесны праект

Кожную 2-ю і 4-ю сераду месяца з 16:00 да 17:00 на Багдановіча, 68 аматараў інтэлектуальных размоў сярод кніг чакаюць захапляльныя выступленні, супольныя чытанні, нязмушаныя абмеркаванні. Запрашаюцца ўсе!

Пакупнікам кнігарні — найлепшыя месцы і найпрыемнейшыя сюрпрызы.
 
У праграме:
  • Супрацоўнікі “Маладосці” і “Маладосці”
  • Маладыя паэты
  • Аўтарская песня
З 16.00 да 17.00 у кнігарні “Маладосць” на Багдановіча, 68.

2018.11.30 0

60 беларускамоўных гітоў сучаснасці

Да свайго 15-гадовага юбілею галоўны музычны партал краіны TuzinFM.by разам з Letapis.by склаў cпіс песень, без якіх немагчыма ўявіць незалежную беларускую музыку.

2018.11.30 0

На талацэ зноў пачынае працаваць прыём плацяжоў. Ужо можна падтрымаць праект "Падпішы бібліятэку на Народную Волю!"

На краўдфандзінгавай платформе talaka.org ідзе кампанія "Падпішы бібліятэку на Народную Волю!". Сродкі збіраюцца на выпіску газеты "Народная Воля" на паўгоддзе для 600 публічных сельскіх, раённых і абласных бібліятэк, каб паказаць іх чытачам альтэрнатыўны погляд на падзеі ў Беларусі. Адрозны ад таго, што транслюецца па тэлевізары і ў дзяржгазетах.

Усяго на такую падпіску збіраецца 30 000 BYN, на збор засталося 24 дні. Падтрымаць кампанію можна на розныя сумы, напрыклад, за 2, 5, 10, 15, 25 рублёў Вам будуць удзячныя проста словам "Дзякуй!" ці на старонках газеты, за большыя сумы можна нават павячэраць з галоўным рэдактарам.

2018.11.29 0

Адкрыццё помніка на магіле Ніла Гілевіча

У пятніцу, 23 лістапада, на магіле Ніла Гілевіча адбылося адкрыццё помніка Народнаму паэту Беларусі, заснавальніку і старшыні ТБМ. Скульптар помніка — Ігар Засімовіч. Аўтар здымкаў - Ігар Чарняўскі.

Першым браў слова Барыс Пятровіч, таксама выказаліся многія вядомыя асобы, сябры і паплечнікі Ніла Гілевіча - Алег Трусаў, Радзім Гарэцкі, Уладзімір Арлоў, Міхась Скобла, малодшы брат Мікола Гіль, Сяргей Законнікаў, Васіль Зуёнак, Рыгор Сітніца і многія іншыя.

 

2018.11.26 0

Анкета для будучых выкладчыкаў Універсітэта імя Ніла Гілевіча

Прыватная ўстанова адукацыі "Універсітэт імя Ніла Гілевіча" прапануе запоўніць анкету тым, хто хоча ў будучым выкладаць ва ўніверсітэце. Вось некаторыя з накірункаў, якія плануецца адкрыць: культурная спадчына, рэгіяналістыка, медыя і камунікацыі, ІТ і інфарматыка, урбаністыка, кіраванне ў бізнесе і публічнай прасторы. Больш інфармацыі па накірунках тут.

Зараз складаецца база будучых выкладчыкаў, таму далучайцеся! Запаўняйце анкету і дасылайце яе на адрасы nhuniversitet@gmail.com і siadziba@gmail.com, альбо звычайнай поштай у ГА "Таварыства беларускай мовы імя Ф. Скарыны", 220034, г. Мінск, вул. Румянцава, 13.

 

 

 

2018.11.19 0

Зварот Рады ТБМ да грамадзян Рэспублікі Беларусь з нагоды перапісу 2019 г.

На паседжанні Рады ТБМ, якое адбылося 7 лістапада 2018 г., быў прыняты зварот да грамадзян Рэспублікі Беларусь з нагоды перапісу 2019 г. У звароце грамадзян Беларусі заклікаюць пазначаць беларускую мову роднай. Азнаёміцца са зваротам можна тут.

2018.11.17 0

ТБМ распрацавала канцэпцыю праекта Закона Рэспублікі Беларусь "Аб дзяржаўнай падтрымцы беларускай мовы"

Прапануем для абмеркавання азнаёміцца з канцэпцыяй праекта Закона Рэспублікі Беларусь "Аб дзяржаўнай падтрымцы беларускай мовы", якая прапануецца Грамадскім аб’яднаннем “Таварыства беларускай мовы імя Францішка Скарыны”. Па даручэніі Рады ТБМ канчатковую версію падрыхтаваў намеснік старшыні ТБМ Дзяніс Тушынскі. Спампаваць праект можна тут.

2018.11.16 1

Універсітэт імя Ніла Гілевіча адкрыў новы рахунак для ахвяраванняў на дзейнасць (абноўлена)

Прыватная ўстанова адукацыі "Універсітэт імя Ніла Гілевіча" адкрыла разліковыя рахункі і ў замежнай валюце. Цяпер ахвяраваць на дзейнасць установы можна ў далярах, еўра ці расійскіх рублях.

Сродкі на дзейнасць універсітэта можна пералічыць у беларускіх рублях на рахунак BY49BLBB30150193050167001001 

і ў беларускіх рублях на дабрачынны рахунак для ахвяраванняў BY56BLBB31350193050167001001

BIC BLBBBY2X УНП 193050167 (ААТ "Белінвестбанк").

У замежнай валюце на наступныя рахункі:

BY22BLBB30150193050167001002 - у валюце USD;

BY92BLBB30150193050167001003 - у валюце EUR;

BY65BLBB30150193050167001004 - у валюце RUB.

З усімі пытаннямі звяртайцеся на электронную пошту: nhuniversitet@gmail.com

2018.11.15 0