Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Культуролаг Вадзім Мажэйка пра школьны курс па літаратуры: кнігі пісалі не толькі ў Расіі, не толькі мужчыны і не толькі даўным-даўно

Кандыдат культуралогіі, аналітык Беларускага інстытута стратэгічных даследаванняў (BISS) Вадзім Мажэйка напісаў для сайта Цэнтра новых ідэй "Ідэя" цікавы матэрыял, у якім прапануе пяць рэформаў, якіх патрабуе школьны курс літаратуры.

 

2019.08.01 1

Гісторык Дзмітрый Скварчэўскі пра фэйкавыя і сапраўдныя боствы беларусаў і народныя песні, якім чатыры тысячы гадоў

На партале TUT.BY з'явіўся вялікі матэрыял, у якім можна атрымаць адказы на пытанні: Што мог дазволіць сабе старажытны беларус, а пра што старажытны грэк і не адважваўся марыць? Ці можна ў палтэргейсце разгледзець айчыннага дамавіка? З-за чаго фальсіфікацый у некаторых сферах беларускай міфалогіі больш, чым дакладных фактаў?" Пра міфалагічную карціну свету нашых продкаў і яе сучаснае адлюстраванне распавядае кандыдат гістарычных навук Дзмітрый Скварчэўскі. Наша ніва надрукавала матэрыял па-беларуску.

2019.07.31 0

Новы сэрвіс Afisha.nn.by - замаўляйце па-беларуску квіткі на розныя імпрэзы

Як паведамляе "Наша ніва", Afisha.nn.by — новы сэрвіс "Нашай Нівы", дзе можна проста і хутка адшукаць і набыць праз інтэрнэт квіткі на кінапрэм'еры, спектаклі, канцэрты, квізы, трэнінгі і падзеі для дзяцей. І, галоўнае, зрабіць гэта па-беларуску.

На сэрвісе размешчана некалькі спецыяльных раздзелаў: "Бясплатнае" і "Беларускае жыццё". У першым вы адшукаеце сустрэчы, выставы, імпрэзы з вольным уваходам. А праз "Беларускае жыццё" вы зможаце адсочваць падзеі і імпрэзы, важныя для беларусацэнтрычнай супольнасці. У гэтым раздзеле будуць паведамляць пра сустрэчы з лідарамі беларускай думкі, беларускімі выканаўцамі і творцамі, пісьменнікамі, бізнэсоўцамі і філосафамі.

2019.07.30 0

З нагоды 30-годдзя ТБМ кіраўніцтва арганізацыі наведала новы бар Kalinoŭski. Раім усім!

Нагадаем, што сёлета Таварыства беларускай мовы святкуе 30-годдзе. З гэтай нагоды старшыня ТБМ Алена Анісім, ганаровы старшыня Алег Трусаў і журналіст, сузаснавальнік беларускага інфармацыйнага агенцтва "БелаПАН" Віталь Цыганкоў наведалі новы бар Kalinoŭski (Зыбіцкая, 4). Афармленне рэстарацыі, беларускамоўнае меню, ветлівасць афіцыянтаў, кухня - усё было на ўзроўні, кіраўніцтва ТБМ рэкамендуе!

2019.07.30 0

Наша ніва: Улады нарэшце выдзелілі грошы на пераклад законаў на беларускую мову

Як паведамляе "Наша ніва", да канца года плануецца пераклад Выбарчага кодэкса, а таксама Кодэкса аб шлюбе і сям’і.

Першае паседжанне экспертнай рады па пытаннях перакладу заканадаўчых актаў на беларускую мову адбылося 23 ліпеня ў офісе Нацыянальнага цэнтра прававой інфармацыі.

У працы рады ўзялі ўдзел прадстаўнікі Акадэміі навук, Палаты прадстаўнікоў, Міністэрства культуры і Міністэрства юстыцыі, а таксама іншых дзяржаўных установаў. Сярод прысутных быў і выконваючы абавязкі рэктара Нацыянальнага ўніверсітэта імя Ніла Гілевіча Алег Трусаў.

Над перакладам будуць працаваць супрацоўнікі Інстытута мовазнаўства Акадэміі навук. Кіраваць працэсам будзе дырэктар гэтага інстытута Ігар Капылоў.

2019.07.30 0

Гомельскае ТБМ запрашае запісацца ў беларускамоўную групу ці клас. Нядаўна ў Гомелі ўсталявалі адпаведны бігборд (абноўлена)

Грамадскае аб’яднанне "Таварыства беларускай мовы імя Францішка Скарыны" займаецца тэмай беларускамоўнай адукацыі ў Гомелі больш за 6 гадоў. У выніку агульных высілкаў разам з установай "Цэнтр рэгіянальнага развіцця ГДФ" быў уведзены асобны ўлік для жадаючых навучацца па-беларуску.

Два гады існавання чаргі паказалі, што аднаго толькі ўліку не дастаткова, чарга не рэкламуецца, звесткі чаргі грамадскасці не прадастаўляюцца, таму Гомельскае ТБМ вырашыла арганізаваць свой ўлік і заклікае запоўніць анкету.

Вынікі разнастайных апытанняў праведзенных і араганізацыяй, і ў навучальных установах з падачы ТБМ паказваюць, што існуе попыт на беларускамоўную адукацыю, але не заўсёды права навучацца па-беларуску рэалізуецца.

Бацькам кажуць пра мінімальную колькасць дзяцей, якая павінна быць у такіх групах ці класах, але гэта нельга пацвердзіць дакументамі, таму што ў іх напісана толькі пра максімальную колькасць дзяцей. Для школы гэта 25 чалавек, а для гімназіі 20.

Практыка паказвае, што больш эфектыўнымі з’яўляюцца скаардынаваныя дзеянні групы людзей, чым высілкі адзінак. Мы запрашаем далучыцца да нас хаця бы дэклараваннем таго, што вы ёсць. Запоўніце анкету, па выніках анкетавання мы прааналізуем размеркаванне анкет па раёнах горада, збярэмся разам і распрацуем далейшыя крокі. Проста ўявіце, што французы ў Францыі патрабуюць навучанне па-французку! Неверагодна, але для беларусаў гэта рэальнасць, — кажа старшыня Гомельскага ТБМ Алеся Аўласевіч.

У 2018/2019 навучальным годзе ў Гомелі беларускамоўнае навучанне было арганізавана ў трох дзяржаўных установах: яслі-сад № 160 і № 161 і ў гімназіі № 36 імя Мележа. Агулам колькасць дзяцей, якія навучаюцца па-беларуску 105 чалавек. Запаўняйце анкету і далучайцеся.

Даведка: +375299089162 (Алеся), gomeltbm@gmail.com

Крыніца: gomel.today

2019.07.25 0

Помнік Алесю Адамовічу нарэшце замаўляюць, а помнік Льву Сапегу паўстане ў цэнтры Слоніма ўжо ў канцы лета

У канцы мінулага тыдня сродкі на помнік Алесю Адамовічу нарэшце сабралі. У 2018 г. былі сабраныя грошы на бюст з улікам коштаў таго года (каля шасці тысяч даляраў), за год кошты выраслі — і 900 рублёў, якіх стала не хапаць, сабралі на платформе molamola.by за 10 гадзін! Бюст аўтарства Гэніка Лойкі і Яўгена Білея паставяць на малой радзіме Алеся Адамовіча ў пасёлку Глуша (Бабруйскі раён). Дазвол на ўсталяванне ад улады атрыманы быў. Плануецца адкрыць помнік падчас фэста "Глушанскі хутарок", але дата правядзення яшчэ не вызначаная.

У той час, як паведамляе racyja.com, у цэнтры Слоніма ў скверыку на плошчы Леніна пачаліся земляныя работы па падрыхтоўцы падмурку пад помнік былому слонімскаму старосту, канцлеру Вялікага Княства Літоўскага Льву Сапегу. Цягам месяца ўсе работы будуць выкананыя і ў канцы жніўня помнік аўтараства менскіх скульптараў В.Пініна, І. Міско і С. Логвіна паўстане ў цэнтры Слоніма. Вышыня помніка разам з пастаментам будзе 4 метры. Урачыстае адкрыццё яго адбудзецца 1 верасня падчас рэспубліканскага свята Дня беларускага пісьменства і друку.

2019.07.23 0

Улады накіравалі ліст у Вікіпедыю з просьбай выкарыстоўваць для беларускіх назваў нацыянальную сістэму раманiзацыi геаграфiчных назваў

Дзяржкамітэт па маёмасці Беларусі накіраваў ліст у Вікіпедыю з просьбай пры напісанні беларускіх геаграфічных назваў лацінкай выкарыстоўваць нацыянальную сістэму раманiзацыi геаграфiчных назваў. Аўтар канала Спадчына ў тэлеграме прапануе падтрымаць такую падзею і запосціць у сацсетках фотаздымак свайго ўпадабанага горада, дадаўшы да яго хэштэг кшталту #PolackNotPolotsk.

2019.07.22 0

На petitions.by збіраюць подпісы за права атрымаць ад супрацоўнікаў дзяржаўных органаў вусны адказ на мове звароту (абноўлена)

На сайце petitions.by пачалі збіраць подпісы за права атрымліваць ад супрацоўнікаў дзяржаўных органаў вусны адказ на мове звароту. Сабрана ўжо амаль 800 подпісаў, да адсылання петыцыі ў Нацыянальны цэнтр заканадаўства і прававых даследаванняў Рэспублікі Беларусь і Палату прадстаўнікоў Нацыянальгага сходу Рэспублікі Беларусь застаецца 4 дні.

Падпісаць і прачытаць тэкст цалкам можна на старонцы петыцыі.

2019.07.19 0