Адбыўся кінапрагляд фільма Джыма Джармуша "Кава і цыгарэты"

У пятніцу, 28 верасня, у офісе ТБМ прайшоў прагляд стужкі Джыма Джармуша "Кава і цыгарэты" ў беларускай агучцы (у свой час агучка была зроблена для тэлеканала Белсат). На прагляд прыйшлі беларускамоўныя маладзёны, на жаль, сцюдзёнае надвор'е зашкодзіла сабраць поўную залю, але гэта не сцішыла гучнага смеху гледачоў, які быў выкліканы нямалай колькасцю смешных момантаў. У кастрычніку адбудзецца яшчэ некалькі праглядаў, сачыце за навінамі.

Пачатак праглядаў а 19-й, уваход вольны.

2018.09.28 0

Спектакль "Сон у купальскую ноч" у Купалаўскім (абноўлена)

Як паведамляецца на сайце Купалаўскага тэатра, у аснове спектакля ляжыць самая лірычная і самая пачуццёвая сюжэтная лінія п’есы “Сон у летнюю ноч” Уільяма Шэкспіра – гісторыя маладых афінян, якія ў начным лесе спрабуюць знайсці і выказаць сваю жарсць. Тут закаханыя ўсе, а яшчэ ўсе маладыя, прыгожыя, тэмпераментныя і энергічныя.

Гэты спектакль – аперацыя над лірычным пачуццём, а таксама спроба прэпараваць каханне і тое шматаблічча чалавечых пачуццяў, што спадарожнічае закаханасці. Міфалагічны свет п’есы Уільяма Шэкспіра на Купалаўскай сцэне становіцца яркім відовішчам, поўным дынамічнай музыкі, актыўнага руху, хараства маладых цел і галасоў. Гэта містэрыя адной ночы, у якой насычанасць эмоцый выяўляецца не толькі праз сілу акцёрскай гульні, але і з дапамогай разнастайных высокатэхналагічных медыярэсурсаў і эфектаў, адмыслова падабраных для рэалізацыі рэжысёрскай ідэі. Спецыяльна для пастаноўкі зменена і пашырана прастора галоўнай сцэны тэатра, такім чынам гледачы могуць прыняць непасрэдны ўдзел у аўтарскім даследаванні ўсёй раскошы адчуванняў закаханых герояў.

2018.09.27 0

Набор у беларускамоўны гурток для развіцця дашкалят (абноўлена)

У Сухараве набіраюць групы на развівальныя заняткі для дзетак!
Групы для дзяцей 1-3 год (заняткі разам з бацькамі) - панядзелак і пятніца, першая палова дня.
Групы для дзяцей 3-7 год - субота.
Больш пра праграму тут.
Далучайцеся!

2018.09.26 0

Завяршаецца 12 конкурс сацыяльных праектаў Social Weekend (абноўлена)

Завяршаецца прыём заявак на 12-ы рэспубліканскі конкурс сацыяльных праектаў Social Weekend. Аўтары (каманды) праектаў, якія пройдуць народнае галасаванне і дадатковы адбор экспертаў, пройдуць усебаковае навучанне, атрымаюць экспертную падтрымку.
У фінале найбольш абгрунтаваныя праекты, з прадпрымальнай камандай і канкрэтнымі крокамі па рэалізацыі, новымі падыходамі да вырашэння праблемаў і духам сацыяльнага прадпрымальніцтва, атрымаюць матэрыяльную падтрымку ад спонсараў.
Дэдлайн падачы заявак: 30 верасня 2018.

Для таго, каб паўдзельнічаць у Social Weekend, неабходна запоўніць простую заяўку з апісаннем свайго праекта. А навучанне, экспертаў і грошы на рэалізацыю забяспечыць Social Weekend.

2018.09.26 0

Рэцэпты ад вядомых беларусаў у афармленні мастака Пашы Дарохіна

У суполцы ў вк "Кулінарыя па-беларуску" можна знайсці нямала цікавых рэцэптаў, некаторыя з іх адмыслова для суполкі аформіў менскі мастак, паэт і музыка Паша Дарохін. Так былі праілюстраваныя рэцэпты кухмістра Алеся Белага, музыкаў Фёдара Жывалеўскага і Uzari.

2018.09.26 0

Гурт "Кашлаты Вох" у "Траецкім Магнаце" ў гэтую суботу (абноўлена)

Беларускі гурт "Кашлаты Вох" выступіць у Мінску 29 верасня з вялікім канцэртам у клубе-бары "Траецкі магнат" (Старавіленская, 10) з прэзентацыяй сінгла "Чырвонае Вока".

2018.09.25 0

Працягваецца збор сродкаў на друк кнігі пра Зінаіду Бандарэнка (абноўлена)

Прапануем падтрымаць цудоўную кнігу. Чаму цудоўную? Таму што яна пра цудоўнаю таленавітую жанчыну - Зінаіду Бандарэнка. Народная артыстка Беларусі заўсёды адстойвала незалежнасць краіны, сваю родную мову і культуру. Толькі за апошні год яна выступіла на канцэрце # БНР100 і запісала беларускамоўную аўдыёверсію кнігі Алексіевіч "Час сэканд хэнд". Гэтая кніга раскажа пра яе жыццё і погляды. А яшчэ стане падарункам да 80-годдзя!

Усяго плануецца сабраць 10999 BYN, ужо сабрана 57% ад запланаванай сумы (6370 BYN), а застаецца 26 дзён да канца збору, усё залежыць ад кожнага з нас. Далучайцеся!

2018.09.25 0

Падрыхтоўчыя курсы Універсітэта імя Ніла Гілевіча пачынаюць сваю працу ўжо сёння! (абноўлена)

Першыя заняткі адбудуцца ў панядзелак, 24 верасня, на сядзібе ТБМ імя Ф. Скарыны (вул. Румянцава, 13). А 18-ай адбудзецца майтар-клас з Уладзімерам Арловым. 
Пісьменнік распавядзе пра свой жыццёвы і творчы шлях і прэзентуе новыя выданні, сярод якіх "Айчына.Маляўнічая гісторыя. Ад Рагнеды да Касцюшкі", кніга містычных аповесцяў "Танцы над горадам" ( увайшла ў кароткі спіс на сёлетнюю прэмію Гедройца за лепшую празаічную кнігу года) і кніга баладаў "Паручнік Пятровіч і прапаршчык Здань".
Таксама на адкрыцці выступіць сын Ніла Гілевіча Сяргей Гілевіч. Пачатак а 18-й гадзіне. Уваход вольны.

2018.09.24 0