Беларускую мову ў беларускія крамы

Напачатку 2016 года Мінскай гарадской арганізацыяй ГА “ТБМ імя Ф.Скарыны” было распачата ліставанне з шасцю буйнейшымі сеткамі гіпермаркетаў Беларусі (Гіпа, Green, Еўраопт, BIGZZ, Карона, ProStore). Гіпермаркеты не далі адказу, што прапановы будуць ужыты ў дзейнасці крам, а прынялі іх толькі да ведама. Ад Green і ProStore адказаў мы не дачакаліся.

Трэба давесці нашы думкі да кіраўнікоў гэтых сетак, у сувязі з чым ТБМ прапануе ўсім, хто зацікаўлены, каб беларуская мова прыйшла ў вышэйадзначаныя гіпермаркеты, распачаць ліставанне з імі.

2016.06.06 0

Мінадукацыі: ВНУ маюць права ўключаць у вучэбны план магістратуры дысцыпліну "Беларуская мова. Прафесійная лексіка"

На свой ліст з прапановай уключаць у вучэбныя планы магістратуры дысцыпліну "Беларуская мова. Прафесійная лексіка" ТБМ атрымала адказ з Міністэрства адукацыі, у якім паведамляецца, што ВНУ маюць права ўключаць у вучэбны план ІІ ступені вышэйшай адукацыі дысцыпліну "Беларуская мова. Прафесійная лексіка" за кошт гадзін кампанента ўстановы адукацыі. Цалкам адказ можна прачытаць далей.

2016.05.31 0

На выставе ТБМ новыя выданні: кароткі літагляд №2

Літаратуры выходзіць шмат і рознай. Што чытаць, кожны выбірае сам. А мы дапаможам выбраць!

2016.05.29 0

ТБМ абвяшчае паэтычны конкурс “Быў нейкі зусім незвычайны дзень”

Мінская гарадская арганізацыя грамадскага аб’яднання “Таварыства беларускай мовы імя Францішка Скарыны” арганізуе паэтычны конкурс “Быў нейкі зусім незвычайны дзень”. Партнёр конкурса – Грамадскае аб’яднанне “Саюз беларускіх пісьменнікаў”.

Мэта конкурса – пошук новых талентаў сярод сяброў арганізацыі і прадастаўленне ім магчымасцяў для творчага росту і рэалізацыі.

2016.05.28 2

Грамадскі творчы конкурс "Курапаты - народны мемарыял"

Абвешчаны грамадскі конкурс творчых ідэяў і працаў, выкананых у розных відах плястычных мастацтваў, а таксама ў іншых відах мастацтва – у музыцы, літаратуры, тэатры і кіно, якія ўвасобілі б такія тэмы, як Курапаты, памяць пра ахвяры, непрыняцьце гвалту і бальшавізму, пакаяньне за ўдзел людзей у злачынствах таталітарнага рэжыму, а таксама за тое, што мы маглі і можам зрабіць, але не зрабілі дзеля праўды, волі і годнага жыцця.

2016.05.27 0

ТБМ працягвае дасылаць лісты ў гіпермаркеты з прапановай абслугоўваць і па-беларуску (абноўлена 24.05.2016)

З лютага 2016 г. ТБМ дасылае лісты ў сеткі гіпермаркетаў з прапановай абслугоўваць і па-беларуску (як мінімум, адкрыць хаця б па адной касе, дзе абслугоўвалі б па-беларуску). Кіраўніцтва некаторых сетак прапанову прымае да ведама і рэкамендуе мяняць заканадаўства, звяртаючыся ў орган, які ажыццяўляе рэгуляванне гандлю ў Рэспубліцы Беларусь. Відаць, многія ў Беларусі лічаць, што за ініцыятыву могуць і пакараць. Іншыя адказваюць, што гандлёвая арганізацыя мае права выкарыстоўваць толькі адну мову, бо нібы заканадаўства дазваляе. Некаторыя спасылаюцца на рэферэндум 1995 г. і перапіс 2009 г., маўляў паводле якога "70% апытаных ужываюць у паўсядзённым жыцці рускую мову, менавіта таму абслугоўванне пакупнікоў ... вядзецца пераважна на рускай мове".

2016.05.24 0

Музей М. Багдановіча запрашае на мерапрыемствы, прысвечаныя Дню памяці Максіма Багдановіча

Усіх тых, каму дагэтуль прамень ад Багдановічавых вершаў сагравае душу, асвятляе мары, думкі і штодзённасць Літаратурны музей Максіма Багдановіча запрашае 25-га мая ўшанаваць памяць паэта. У 11.00, 12.00 і 16.00 у Літаратурным музеі Максіма Багдановіча адбудуцца мерапрыемствы, прысвечаныя Дню памяці Максіма Багдановіча (г. Мінск, вул. М.Багдановіча, 7а).

2016.05.23 0

Віншуем з юбілеем спадарыню Алу Нароўскую!

Віншуем спадарыню Алу Нароўскую, якая 20 траўня будзе адзначаць свой юбілей. Спадарыня Ала вядомы беларускі этнолаг і мастацтвазнаўца, кандыдат гістарычных навук, дацэнт, аўтар шматлікіх навуковых артыкулаў і некалькіх манаграфій, актыўны сябар ТБМ.

2016.05.20 0