Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Прэзентацыя кнігі Валера Санько ў офісе ТБМ

Запрашаем на прэзентацыю кнігі Валера Санько "Карыды вогненныя іскры", якая адбудзецца 6 снежня а 17.00 у офісе ТБМ (г. Мінск, вул. Румянцава, 13). 

На прэзентацыі Валеры Санько распавядзе пра сваю неаднаразова забароненую да друку аповесць і падзеліцца з наведвальнікамі гісторыяй сваёй кнігі.
Уваход вольны.

2016.12.01 0

Алег Трусаў: "Як "малодшы" брат стаў "старэйшым?"

Гісторык і старшыня ТБМ Алег Трусаў каментуе праграму расійскага Першага канала "Соседи", на якой абмяркоўвалі яго новую кнігу "Гісторыя сярэднявечнай Еўропы V-XV стст.". Некаторыя старонкі кнігі былі выкладзены на сайце euroradio.fm, а таксама кнігу можна будзе прачытаць у газеце "Наша слова" цягам першага квартала 2017 г.

Таму ўсе жадаючыя азнаёміцца з гэтай кнігай могуць выпісаць на наступны год газету "Наша слова", кошт якой на паўгода складае ўсяго 7 руб. 44 кап. (падпісны індэкс 63865).

2016.11.30 3

Алена Анісім задае пытанні віцэ-прэм'еру і распавядае пра страхаванне па беспрацоўі

Нядаўна ў інтэрнэт-СМІ з'явілася некалькі навінаў, звязаных з дзейнасцю дэпутата Алены Анісім на новай пасадзе. Пра тое, як павінна выглядаць схема страхавання па беспрацоўі можна прачытаць тут. А адказ віцэ-прэм'ера Анатоля Калініна на пытанне спн. Анісім, "ці плануе Савет міністраў нешта зрабіць для таго, каб пашырыць выкарыстанне беларускай мовы ў сваёй дзейнасці", чытайце тут.

 

2016.11.29 0

ТБМ звярнулася да старшыні Палаты прадстаўнікоў з прапановай актыўна выкарыстоўваць беларускую мову ў нашым парламенце (абноўлена)

Кіраўніцтва ТБМ 20 кастрычніка звярнулася да старшыні Палаты прадстаўнікоў У.П.Андрэйчанкі з прапановай актыўна выкарыстоўваць беларускую мову ў нашым парламенце. У канцы лістапада быў атрыманы адказ, у якім разгорнута тлумачыцца, што зменаў не будзе, бо і цяпер у Палаце прадстаўнікоў дзейнічаюць падыходы, якія "адпавядаюць прынцыпу роўнасці дзяржаўных моў у Рэспубліцы Беларусь". Цалкам ліставанне можна прачытаць далей.

2016.11.26 3

Літаратурны музей М. Багдановіча запрашае на прэзентацыю выставы мастацкіх работ студыі жывапісу “Масленікаўцы”

У чацвер 1 снежня а 16-й адбудзецца прэзентацыя выставы мастацкіх работ студыі жывапісу “Масленікаўцы”.

У экспазiцыi зоймуць сваё месца дзве мастацкія работы Рыгора Таболiча, cябра Саюза мастакоў Беларусi, кiраўнiка студыi жывапісу, – “Маці паэта” і “Развітанне”, прысвечаныя М.Багдановічу.

Літаратурны музей Максіма Багдановіча

Адрас: г. Мінск, вул. М.Багдановіча, 7а

Тэлефон: (017) 334 07 61

2016.11.26 0

Літаратурны конкурс для школьнікаў "І складаюцца самыя дзівосныя казкі…"

Палажэнне аб конкурсе "І складаюцца самыя дзівосныя казкі…" для школьнікаў, прымеркаванага да 110-годдзя пачатку творчай дзейнасці народнага паэта Беларусі Якуба Коласа, 90-годдзя верша “Савось-распуснік” і 90-годдзя зборніка алегарычных апавяданняў “Казкі жыцця”.

2016.11.25 0

Міхась Скобла запрашае на творчую сустрэчу

У пятніцу 25 лістапада а 18-й гадзіне ў будынку Літаратурнага музея Максіма  Багдановіча адбудзецца творчая вечарына паэта, эсэіста і перакладчыка Міхася Скоблы. Падчас вечарыны будуць прэзентаваныя яго новыя кнігі “Камізэлька для месяца” (вершы і пераклады) і “Саркафагі страху” (эсэ). Мерапрыемствам апякуецца Дзяржаўны музей гісторыі беларускай літаратуры.

Месца правядзення: Літаратурны музей Максіма Багдановіча (вул.М.Багдановіча, 7а).
Кантактны тэлефон: (017) 334-56-21.

 

2016.11.24 0

Падары “Бярозку” дзіцячаму дому!

Аўтар рубрыкі “Лісты да хрэсніка”, якая выходзіць у блоку “Зярняткі веры” часопіса “Бярозка”, прапанавала дабрачынную акцыю пад такім дэвізам і пачала здзяйсняць яе ўласным прыкладам. “Была ўчора ў дзіцячым доме ў Радашковічах, — піша Ірына Клышэўская ў рэдакцыю “Бярозкі”. — Захапіла з сабой некалькі нумароў часопіса, пірожныя, цукеркі, арганізавалі ў бібліятэцы гарбату… Расказала пра пастаянныя рубрыкі і ад імя рэдакцыі падарыла падпіску на І паўгоддзе 2017-га”.

Падхапіце ініцыятыву, сябры! Афармляйце падпіску на часопіс “Бярозка” не толькі для сябе і родных, але і для тых, каму жадаеце святла і шчасця. На добрую справу працуюць льготныя індэксы 74888 (індывідуальны) і 74879 (ведамасны).

Дзякуем за добрую душу!

2016.11.24 0