Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Адбылася прэзентацыя новых кніг Алега Трусава, Валянціна Голубева і Паўла Церашковіча

Сёння, 14 кастрычніка а 18:00, у Галерэі “Ў” адбылася прэзентацыя новых навучальных дапаможнікаў для беларускіх школьнікаў і ліцэістаў. Алег Трусаў - аўтар "Гісторыі сярэднявечнай Еўропы", Валянцін Голубеў ("Найноўшая гісторыя Беларусі"), Павел Церашковіч ("Геаграфія Польшчы") распавядалі пра працу над дапаможнікамі, пра свае навуковыя адкрыцці і бачанні. Кнігі падрыхтаваныя ў Навукова-творчай лабараторыі “Беларуская школа ХХІ стагоддзя” Таварыства беларускай школы. Вялі прэзентацыю Лявон Баршчэўскі і Уладзімір Колас.

2016.10.14 2

Прэзентацыя новых выданняў Алега Трусава, Валянціна Голубева і Паўла Церашковіча

У Галерэі “Ў” 14 кастрычніка а 18:00 адбудзецца прэзентацыя новых навучальных дапаможнікаў для беларускіх школ і ліцэяў па Гісторыі сярэднявечнай Еўропы (аўтар – Алег Трусаў), Найноўшай гісторыі Беларусі (аўтар – Валянцін Голубеў), і Геаграфіі Польшчы (аўтар – Павел Церашковіч). Кнігі падрыхтаваныя ў Навукова-творчай лабараторыі “Беларуская школа ХХІ стагоддзя” Таварыства беларускай школы. Запрашаюцца настаўнікі гісторыі і геаграфіі, а тасама – ўсе, хто цікавіцца гісторыяй і геаграфіяй.

2016.10.07 4

Прапановы ТБМ разгледжаныя: бюджэтныя сігнаванні на культуру на 2017 год павялічылі

Некалькі тыдняў таму ТБМ дасылала ліст Старшыні Палаты прадстаўнікоў Нацыянальнага сходу Рэспублікі Беларусь з прапановай павялічыць гадавыя выдаткі на культуру ў 2017 годзе. Днямі мы атрымалі адказ на нашу прапанову.

2016.10.06 3

Выставу да 125-годдзя Аркадзя Смоліча наведалі Алег Трусаў і Алена Анісім

У аўторак 4 кастрычніка ў Літаратурным музеі Максіма Багдановіча адбылося адкрыццё выставы "Аркадзь Смоліч. Жыццё за Беларусь...", прысвечанай 125-м угодкам з дня нараджэння выдатнага навукоўца, дзеяча беларускага вызвольнага руху і сябра Максіма Багдановіча. На адкрыцці выставы прысутнічала і кіраўніцтва ТБМ.

2016.10.05 3

Запрашаем на прэзентацыю кнігі вядомага гісторыка Мікалая Улашчыка “Даць народу гісторыю”

У офісе ТБМ (Мінск, вул. Румянцава, 13) 3 кастрычніка (панядзелак) адбудзецца прэзентацыя кнігі Мікалая Улашчыка “Даць народу гісторыю”.

У ёй упершыню надрукаваныя ўспаміны славутага гісторыка пра 1918-20 гады, пра перажытае ў Гулагу, а таксама 128 адшуканых у архівах лістоў.

У прэзентацыі возьмуць удзел Арсень Ліс, Алег Трусаў, Вячаслаў Чамярыцкі, адзін з укладальнікаў кнігі Міхась Скобла. Пачатак а 17.00. Уваход вольны.

2016.10.03 0

Выстава да 125-годдзя Аркадзя Смоліча

Літаратурны музей Максіма Багдановіча ладзіць 4 кастрычніка выставу "Аркадзь Смоліч. Жыццё за Беларусь...", прысвечаную 125-м угодкам з дня нараджэння гэтага выдатнага навукоўца, дзеяча беларускага вызвольнага руху і сябра Максіма Багдановіча.

Адкрыццё выставы адбудзецца а 16-й гадзіне.


2016.10.02 0

Вечар да 85-годдзя з дня нараджэння Ніла Гілевіча

У Літаратурным музеі Максіма Багдановіча 4 кастрычніка 2016 года ў 18.30 адбудзецца мерапрыемства Дзяржаўнага музея гісторыі беларускай літаратуры Край маіх дум запаветных…, прымеркаванае да 85-годдзя з дня нараджэння Ніла Гілевіча.

2016.10.02 1

Творчая сустрэча з паэткай Кацярынай Массэ

У дзіцячай бібліятэцы № 14 (вул. Варвашэні 11, ст. м. Магілёўская) 4 кастрычніка а 14-й гадзіне ладзіцца сустрэча з Кацярынай Массэ – маладой беларускай паэткай стылю хай-тэк, сябрам Саюза пісьменнікаў Беларусі, аўтарам паэтычных зборнікаў "Ліецца сьвятло ў маё вакно" і "Двайковы код".

2016.10.02 0

Новыя выданні ТБМ (абноўлена)

ТБМ выдала календары на 2017 год і паштоўку да 85-х угодак з дня нараджэння Ніла Гілевіча, паэта, заснавальніка і першага старшыні ТБМ, заснавальніка і першага рэдактара газеты "Наша слова". З выданнямі можна азнаёміцца ў офісе ТБМ (вул. Румянцава, 13).

2016.09.29 0

85-я ўгодкі з дня нараджэння першага старшыні ТБМ Ніла Гілевіча

У пятніцу 30 верасня вядомаму паэту, грамадскаму дзеячу, навукоўцу, першаму старшыні ТБМ Нілу Гілевічу споўнілася б 85 гадоў. Ніл Сымонавіч Гілевіч пакінуў гэты свет 29 сакавіка 2016 года, і да апошніх сваіх дзён ён заставаўся адданым сынам сваёй зямлі, шчырым і неабыякавым патрыётам. Мы ўдзячныя за яго справы і спадчыну, якую ён нам пакінуў.

 

2016.09.29 0