Часопісу “Культура. Нацыя” споўнілася 5 гадоў. Выйшаў 20-ты нумар!

Рэдакцыя часопіса “Культура. Нацыя” шчыра віншуе з Калядамі і Новым годам і можа ганарыцца тым, што часопісу споўнілася 5 гадоў. Ён быў заснаваны ў снежні 2012 года і ад таго часу выходзіў рэгулярна, кожныя тры месяцы, 4 нумары на год. Цяпер выйшаў  20-ты нумар часопіса. За пяць прайшоўшых гадоў на старонках часопіса друкаваліся арыгінальныя матэрыялы 29 аўтараў. Усяго апублікавана 119 арыгінальных артыкулаў. Агульны аб'ём часопіса склаў каля 1400 старонак, г.зн. у сярэднім кожны нумар выходзіў на 70 старонках.

2017.12.18 0

У Менску распачаліся новыя заняткі на беларускай мове для дзетак ад 1 да 4 год

У Менску (у Сухарава) у клубе “Дзіцячы квартал” распачаліся новыя развівальныя заняткі на беларускай мове для дзетак ад 1 да 4 год, якія назвалі "Казачны завулак". Тэлефоны для даведак +37529-1622992, +37529-2447244.

Далучайцеся і распавядайце сябрам. Хай больш бацькоў даведаецца пра новую магчымасць адукацыі на роднай мове.

2017.12.17 2

Зварот ТБМ у Адміністрацыю Прэзідэнта аб пашырэнні ўжывання беларускай мовы

На зварот ТБМ у Адміністрацыю Прэзідэнта аб пашырэнні ўжывання беларускай мовы з прапановай прыняць Указ аб дзяржаўнай падтрымцы беларускай мовы, у якім прадугледзець фінансавае забеспячэнне на функцыянаванне дзяржаўнай беларускай мовы, днямі прыйшоў адказ. У ім паведамляецца, што інфармацыя да ведама прынятая. Але ТБМ будзе весці ліставанне і далей, каб атрымаць больш змястоўныя адказы.

Прачытаць лісты можна тут.

2017.12.16 0

Справаздача спн. Алены Анісім пра праведзеную працу на пасадзе старшыні ТБМ

Старшыня ТБМ спн. Алена Анісім падрыхтавала справаздачу за праведзены на пасадзе кіраўніцы арганізацыі перыяд. Цалкам справаздачу можна прачытаць далей.

2017.12.12 4

Часопіс “Маладосць” запрашае прыняць удзел у конкурсе эсе “Мой Чынгіз Айтматаў”

Пісьменніку Чынгізу Айтматаву, аўтару многім вядомых з юнацтва твораў (“Джаміля”, “Бывай, Гюльсары!”, “Белы параход”, “Першы настаўнік”, “Буранны паўстанак”, “Плаха”, “Таўро Касандры” і інш.), 12 снежня споўнілася б 89 гадоў.

Часопіс “Маладосць” запрашае сваіх чытачоў і аўтараў прыняць удзел у конкурсе эсе на тэму: “Мой Чынгіз Айтматаў”. Лепшыя разважанні, уражанні і рэфлексіі будуць надрукаваны праз год, у нумары, прысвечаным 90-годдзю Чынгіза Айтматава. Эсэ будуць прымацца на адрасы рэдактараў часопіса з пазнакай “Мой Чынгіз Айтматаў” да 1 верасня. Знайсці адрасы можна па адрасе www.maladost.lim.by/redakcia

2017.12.10 0

У офісе ТБМ адбылася прэзентацыя кнігі "Іх звала Беларусь святая"

Некалькі дзясяткаў чалавек наведала прэзентацыю кнігі Станіслава Рудовіча і Валерыя Герасімава да 100-годдзя Ўсебеларускага з'езда 1917 г. "Іх звала Беларусь святая", якая адбылася 5 снежня ў офісе ТБМ. 

2017.12.09 0

Калядны фэст святкуе сваё дзесяцігоддзе!

Калядны фэст пройдзе 25 снежня ў клубе Re:Public. Пачатак — 17:30. Кошт квіткоў — 15-25 руб. (танцпол), 30 руб (месца за столікам).

Удзельнікі: Стары Ольса, Gods Tower, Палац, Адарвірог, Яварына, Pawa, Trollwald.

2017.12.08 0

Музей Я. Коласа запрашае на навагоднюю святочную праграму для дзяцей

Дзяржаўны літаратурна-мемарыяльны музей Якуба Коласа запрашае на святочную праграму для дзяцей “Да Коласа на Новы год”. Цікавыя майстар-класы, незвычайныя квэсты і новыя лялечныя прадстаўленні дазволяць кожнаму наведвальніку Коласавага Дома адчуць набліжэнне самых чакаемых свят і прынясуць святочны настрой.

27 снежня а 12-й гадзіне ў Доме-музеі народнага паэта адбудзецца “Калядная ялінка”. Падчас свята у кожнага ўдзельніка з’явіцца магчымасць апынуцца сярод зімовай казкі і пазнаёміцца з незвычайнымі персанажамі, паўдзельнічаць у розных забавах ды гульнях.  Свята дазволіць не толькі цікава правесці час, але і пазнаёміцца з гасцінным домам народнага паэта Беларусі Якуба Коласа. Усе ўдзельнікі мерапрыемтсва атрымаюць памятныя падарункі!

2017.12.07 0

Прэзентацыя кнігі Аляксандра Тамковіча “Мазаіка жыцця”

У Прэс-клубе (вул. В. Харужай, 3-601, 6-ы паверх) 19 снежня ў 17.00 адбудзецца прэзентацыя кнігі Аляксандра Тамковіча “Мазаіка жыцця”. Вядучая імпрэзы — Заслужаная артыстка Беларусі Зінаіда Бандарэнка. Музычная аранжыроўка — Сяргей Башлыкевіч.

На старонках кнігі пра свой жыццёвы шлях расказваюць многія вядомыя беларускія культурныя і палітычныя дзеячы (чые аповеды праілюстраваныя здымкамі з сямейных альбомаў): Алена Анісім, Зміцер Вайцюшкевіч, Адам Глобус, Ірына Дубянецкая , Максім Жбанкоў, Кася Камоцкая, Віктар Марціновіч, Андрэй Хадановіч, Алег Хаменка, Сяргей Харэўскі, Віктар Шалкевіч і многія іншыя.

2017.12.03 0

Запрашаем у офіс ТБМ на прэзентацыю кнігі С. Рудовіча і В. Герасімава да 100-годдзя Усебеларускага з'езда 1917 г.

Прэзентацыя кнігі Станіслава Рудовіча і Валерыя Герасімава да 100-годдзя Усебеларускага з'езда 1917 г. "Іх звала Беларусь святая" адбудзецца 5 снежня ў офісе ТБМ (вул. Румянцава, 13). Пачатак а 18:00, уваход вольны.

2017.12.01 0