Прэзентацыя кнігі паэта Мікалая Шаравара ў офісе ТБМ

У офісе ТБМ (вул. Румянцава, 13,) 27 снежня ў 15.00 адбудзецца прэзентацыя новай кнігі салігорскага паэта і грамадскага дзеяча Мікалая Лазаравіча Шаравара “Ідэнтыфікацыя нацыі як нацыянальная ідэя”. Шчыра запрашаем усіх патрыётаў і аматараў беларускай паэзіі!

2016.12.24 0

Міністэрства адукацыі на прапанову ТБМ: "Адкрыццё гімназій на беларускай мове трэба вырашаць комплексна"

Нядаўна быў атрыманы адказ ад Міністэрства адукацыі на прапанову ТБМ стварыць беларускамоўныя гімназіі. У адказе адзначаецца, што гэта комплексная задача розных дзяржаўных устаноў і міністэрстваў. У той жа час, у лісце звяртаюць увагу на тое, што "толькі агульнымі намаганнямі можна палепшыць сітуацыю ў плане пашырэння сферы выкарыстання беларускай мовы ў галіне адукацыі".

Цікава, што менавіта Міністэрства адукацыі многія гады паслядоўна пераводзіла выкладанне некаторых школьных прадметаў на рускую мову. Будзем спадзявацца, што гэта не чарговая адпіска, а змены ў палітыцы. Прачытаць адказ можна далей.

2016.12.23 2

Таварыства беларускай мовы выдала кішэнныя календары на 2017 год

Адзін з кішэнных каляндарыкаў прысвечаны 500-годдзю ад пачатку беларускага кнігадрукавання, другі - 100-м угодкам Янкі Брыля.

2016.12.20 0

"Белсат" і надалей павінен існаваць і прамаўляць па-беларуску!

Сакратарыят ТБМ сёння, 16 снежня, падрыхтаваў заяву з нагоды пагрозы ліквідавання тэлеканала "Белсат":

 "Белсат" і надалей павінен існаваць і прамаўляць па-беларуску!

Сябры грамадскага аб'яднання "Таварыства беларускай мовы імя Францішка Скарыны" вельмі ўсхваляваныя навіной пра намер уладаў Польшчы перавесці на рускую мову і значна скараціць аб'ём вяшчання тэлеканала "Белсат".

Апошнія 9 год канал Белсат стаў яскравым прыкладам салідарнасці палякаў з беларусамі, сапраўднай дапамогай беларускаму грамадству ў атрыманні праўдзівай інфармацыі на роднай для беларусаў мове. Вельмі спадзяемся, што цяперашнія ўлады Польшчы праявяць палітычную дальнабачнасць і мудрасць, і працягнуць вяшчанне на беларускай мове дзеля дэмакратычнай будучыні Беларусі.

2016.12.16 0

Памёр Уладзімір Дзіско

Днямі не стала Уладзіміра Дзіско, выдатніка адукацыі Рэспублікі Беларусь, які ўсё сваё жыццё прысвяціў служэнню Беларускаму Слову. 

2016.12.10 0

Беларускамоўная вандроўка па славутых мясцінах Шчучынскага раёна

Вандроўка Мінск-Мураванка-Васілішкі-Старыя Васілішкі-Шчучын-Жалудок-Мінск адбудзецца 10 снежня (субота). Вандроўку праводзіць найцікавейшы экскурсавод Дзяніс Філіпчык.

Гэтая экскурсія пазнаёміць вас з выбітнымі славутасцямі Шчучынскага раёна.

Кошт: 42 рублі.

2016.12.01 0

Алег Трусаў: "Як "малодшы" брат стаў "старэйшым?"

Гісторык і старшыня ТБМ Алег Трусаў каментуе праграму расійскага Першага канала "Соседи", на якой абмяркоўвалі яго новую кнігу "Гісторыя сярэднявечнай Еўропы V-XV стст.". Некаторыя старонкі кнігі былі выкладзены на сайце euroradio.fm, а таксама кнігу можна будзе прачытаць у газеце "Наша слова" цягам першага квартала 2017 г.

Таму ўсе жадаючыя азнаёміцца з гэтай кнігай могуць выпісаць на наступны год газету "Наша слова", кошт якой на паўгода складае ўсяго 7 руб. 44 кап. (падпісны індэкс 63865).

2016.11.30 3

Алена Анісім задае пытанні віцэ-прэм'еру і распавядае пра страхаванне па беспрацоўі

Нядаўна ў інтэрнэт-СМІ з'явілася некалькі навінаў, звязаных з дзейнасцю дэпутата Алены Анісім на новай пасадзе. Пра тое, як павінна выглядаць схема страхавання па беспрацоўі можна прачытаць тут. А адказ віцэ-прэм'ера Анатоля Калініна на пытанне спн. Анісім, "ці плануе Савет міністраў нешта зрабіць для таго, каб пашырыць выкарыстанне беларускай мовы ў сваёй дзейнасці", чытайце тут.

2016.11.29 0