Працуюць
76Структуры ТБМ працуюць ў 76 населеных пунктах Беларусі, а таксама ў Маскве, Іркуцку, Вільні, Пецярбурзе, Рызе.
навіны
Просім сяброў ТБМ аплаціць унёскі за 2019 г.
Сакратарыятам ТБМ памер штогадовых унёскаў для сяброў ТБМ быў зацверджаны наступны:
15 BYN за год – хто працуе, 7 BYN за год – пенсіянеры, 5 BYN за год – беспрацоўныя, 4 BYN за год – студэнты, 2 BYN за год – школьнікі, грамадзяне РФ – 700 рас. руб., іншых краін – 10$ ці 10€.
Унёскі можна пералічыць на рахунак ТБМ BY84BLBB30150100129705001001 BIC BLBBBY2X у аддзяленні №539 ААТ "Белінвестбанка" УНП 100129705. Ахвяраванні можна пералічыць на рахунак ТБМ BY91BLBB31350100129705001001 BIC BLBBBY2X у аддзяленні №539 ААТ "Белінвестбанка" УНП 100129705 (бланкі спампаваць можна тут).
2019.01.24 6
У Мінску распачынае дзейнасць #ДзіцячыКлюб — развівальна-забаўляльныя заняткі па-беларуску!
У Мінску распачынае дзейнасць #ДзіцячыКлюб. Гэта серыя развівальна-забаўляльных заняткаў для дзетак, а таксама спектаклі, святы і цікавыя госці.
Заняткі праходзяць на беларускай мове ў інтэрактыўнай форме з гульнямі, творчымі і тэатральнымі майстар-класамі, навуковымі і гістарычнымі даследаваннямі.
Перыядычна на заняткі будуць завітваць беларускія музыкі, паэты і іншыя зоркі.
Рэкамендаваны ўзрост: 3 – 12 гадоў.
Перыядычнасць заняткаў: раз на тыдзень.
Працягласць занятку: 2 гадзіны.
Месца правядзення: кафэ “Грай” (Інтэрнацыянальная, 33).
Кошт і расклад заняткаў тут.
2019.01.24 0
Казка пра дэкларацыю правоў чалавека
Усеагульнай дэкларацыі правоў чалавека 70 гадоў. Пра тое, як яна працуе і ці працуе, ведаюць нямногія. Група энтузіястаў пад кіраўніцтвам Праваабарончага цэнтра "Вясна" разабрала Дэкларацыю на эльфах, а таксама праверыла яе актуальнасць у 2018 годзе. Каб усім дарослым было больш зразумела, разбор прыняў форму казкі. Прачытаць яе можна тут.
Час чытання - 20 хвілін. Казка праілюстраваная і мае беларускамоўную і рускамоўную версіі, а для зручнасці ёсць падзел на раздзелы, сярод якіх "Паходжанне правоў", "Дэкларацыя. Інструкцыі да карыстання", "Як выжыць у гэтай казцы" і іншыя.
2019.01.23 1
Працягваецца прыём заявак на прэмію Цёткі для пісьменнікаў і літаратараў
Да 31 студзеня працягваецца чацвёрты сезон Прэміі Цёткі, якая прысуджаецца за найлепшую кнігу для дзяцей і падлеткаў. На конкурс прымаюцца кнігі 2018 года, напісаныя на беларускай мове. Каб падаць кнігу на конкурс, неабходна запоўніць анлайн-форму. Прапанаваць кнігу на разгляд могуць самі аўтары і мастакі, сябры журы, аргкамітэт прэміі, выдавецтвы і наогул любы зацікаўлены чытач.
2019.01.23 0
Запрашаем на Раду ТБМ 27 студзеня!
У нядзелю, 27 студзеня, адбудзецца паседжанне Рады ТБМ у Менскім офісе (вул. Румянцава, 13).
Пачатак рэгістрацыі - 9:30.
Пачатак працы - 11:00.
2019.01.22 0
Новая кніга Альгерда Бахарэвіча "Мае дзевяностыя"
У інтэрнэт-кнігарні januskevic.by можна набыць новую кнігу Альгерда Бахарэвіча.
Бескампрамісная кніга пра маладосць і свабоду, пра ідэальны час для памылак і эксперыментаў. Бахарэвіч піша пра сябе, але расказвае пра краіну і людзей ў той час. Дзевяностыя аўтар сустрэў школьнікам Алегам у мінскіх Шабанах, а развітаўся з імі пісьменнікам Альгердам. Паміж усім гэтым было навучанне ў педінстытуце, галасаванне за Пазняка, праца карэспандэнтам у шматтыражцы трактарнага завода, заснаванне і заняпад уласнага панк-гурту “Правакацыя”, літаб’яднанне “Крыніца”, Бум-Бам-Літ… А ў краіне праходзілі мітынгі, выбары, забастоўкі, галадоўкі…
“Старэйшаму пакаленню дзевяностыя бачацца як панылы, цяжкі, шэры час — але мая генерацыя ведае: гэта быў час самага вар’яцкага драйву і найвялікшай свабоды, калі лёгка дыхалася, думалася, спявалася і пілося, а дзяржава толькі збіралася з сіламі, каб зрабіць ашалелым ад свабоды людзям ін’екцыю свайго снатворнага”, — падсумоўвае пісьменнік.
2019.01.22 0
Спеўны сход "Народны альбом"
У наступным месяцы, 7 лютага, у кафэ ГРАЙ пройдзе “Спеўны Сход”, прысвечаны “Народнаму альбому”.
Уваход вольны.
У Менску ў лютым запланаваны шэраг падзеяў, таксама прысвечаных “Народнаму альбому” і памяці Міхала Анемпадыстава – “Арт Сядзіба” і “Спеўны Сход” правядуць вандроўку ў часы існавання Заходняй Беларусі ды іншыя імпрэзы.
2019.01.21 0
Атрыманы адказ на петыцыю на petitions.by "Беларускую мову на шырокія экраны!" (абноўлена)
У мінулым месяцы ў Міністэрства культуры і "Кінавідэапракат" была дасланая петыцыя "Беларускую мову на шырокія экраны!"
Яна тычылася таго, што ў Беларусі няма фільмаў, якія прафесійна агучваюцца і дублююцца па-беларуску. Канешне, існуюць аматарскія праекты па агучцы, але яны займаюцца пераважана фільмамі мінулых гадоў, бо з фінансавых прычын не могуць дазволіць сабе прэм'ерныя стужкі. Беларусь фактычна засталася адзінай краінай Еўропы, дзе фільмы ідуць з дубляжом і агучваннем не на роднай мове. Краіна губляе не толькі свой твар, але і сотні працоўных месцаў – перакладчыкаў, акцёраў, тэхнічных спецыялістаў, а таксама аддае ўласны рынак і грошы расійскім дыстрыб’ютарам. Беларусы просяць распрацаваць дзяржаўную праграму па пашырэнні беларускай мовы ў дубляжы кіна- і мультфільмаў.
На 31 снежня 2018 г. ініцыятыву падтрымала 900 чалавек. Нядаўна быў атрыманы адказ.
2019.01.21 0
Алег Трусаў распавёў пра свой шлях да беларускай мовы і стварэнне Універсітэта імя Ніла Гілевіча ў Верасні №19
У апошнім нумары часопіса "Верасень" акрамя паэзіі, прозы, эсэістыкі і крытыкі можна знайсці цікавую гутарку паэта, барда і рэдактара часопіса "Верасень" Эдуарда Акуліна і гісторыка, в.а. рэктара Універсітэта імя Ніла Гілевіча, ганаровага старшыні Таварыства беларускай мовы Алега Трусава. У гутарцы Алег Трусаў распавёў пра свой шлях да беларускай мовы і стварэнне ўніверсітэта, а таксама апублікаваныя рэдкія здымкі з архіва сп. Трусава. Падаем частку гутаркі.
2019.01.04 0
Расклад працы Менскага офіса ТБМ на студзень (абноўлена)
Офіс ТБМ у Менску (вул. Румянцава, 13) будзе працаваць у студзені па буднях з 15 да 19.
Таксама ў раскладзе магчымыя змены, пра якія будзе паведамлена на сайце. Сачыце за абнаўленнямі і наведвайце імпрэзы, чакаем сустрэчы!
2019.01.03 0