Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Памяці Уладзіміра Масакоўскага. Пайшоў ад нас БЕЛАРУС...

Днямі памёр Уладзімір Масакоўскі, былы кіраўнік Салігорскай гарадской арганізацыі ТБМ, актыўны сябра арганізацыі, адданы працаўнік ААТ "Беларуськалій". Сакратарыят ТБМ спачувае сваякам і блізкім сп. Уладзіміра.

2017.08.30 0

Новая паштовая прадукцыя (абноўлена)

РУП "Белпошта" выдала новы канверт, прысвечаны 100-годдзю з дня нараджэння Янкі Брыля, таксама канверт, прысвечаны 100-годдзю з дня нараджэння Пімена Панчанкі, канверт, прысвечаны 100-годдзю газеты "Звязда", і маркі, прысвечаныя гербу Полацка.

2017.08.28 1

Віншуем Адама Мальдзіса з 85-годдзем!

Віншуем спадара Адама Мальдзіса, які 7 жніўня адзначае 85-годдзе. Шчыра віншуем Адама Іосіфавіча Мальдзіса з днём нараджэння, зычым яму добрага здароўя, аптымізму, поспехаў у навуковай і грамадскай дзейнасці.

 

2017.08.07 0

Гарадзенскія справаздачна-выбарчыя канферэнцыі ТБМ

На справаздачна-выбарчай канферэнцыі Гарадзенскай абласной і Гарадзенскай гарадской арганізацый ТБМ у Гародні, якія адбыліся разам 11 чэрвеня, быў абраны новы старшыня Гарадзенскай абласной арганізацыі ТБМ Вітаўт Парфененка. Былы старшыня Гарадзенскай абласной арганізацыі Алесь Крой абраны намеснікам старшыні.

2017.07.26 0

Выйшаў “Верасень” №16

Выйшаў з друку шаснаццаты па ліку нумар літаратурна-мастацкага часопіса “Верасень”. У часопісе прадстаўленыя раздзелы "Паэзія", "Проза", "Пераклады", "Крытыка".

Пытайце “Верасень” № 16 на сядзібе ТБМ (Румянцава,13). Чытайце “Верасень” на сайтах: Kamunikat.org і tbm-mova.by. Дасылайце свае творы ў “Верасень” на адрас: verasenchas@gmail.com

2017.07.24 0

Шыкоўныя нататнікі да 500-годдзя беларускага кнігадруку, якія будуць выдадзеныя толькі агульнымі намаганнямі. Падтрымайма!

Сябры ТБМ ужо пачалі падтрымліваць варты праект! Infographer.by у межах кампаніі Чытаем Беларускую пачаў збор сродкаў для выдання лімітаванага выпуску нататнікаў да 500-годдзя беларускага кнігадруку.

Плануецца выпуск серыі з 6 нататнікаў, на якіх будуць прадстаўлены матывацыйныя цытаты з арыгінальнымі выявамі іх аўтараў: Францыск Скарына, Вінцэнт Дунін-Марцінкевіч, Янка Купала, Якуб Колас, Васіль Быкаў, Уладзімер Караткевіч. Паглядзець памеры ахвяраванняў і больш падрабязна пра падарункі можна па спасылцы.

 

2017.07.23 0

Выступ спн. Алены Анісім на прэзентацыі “Гісторыі Латвіі” па-беларуску ў Амбасадзе Латвіі

На прэзентацыі выдання “Гісторыя Латвіі” ў перакладзе на беларускую мову ў Амбасадзе Латвіі ў Беларусі 19 ліпеня 2017 спн. Алена Анісім выступіла з прамовай. Таксама ўдзел у мерапрыемстве бралі Міністры замежных спраў Латвіі і Беларусі. Цалкам тэкст прамовы далей.

У ажыццяўленні такога выдання прымалі ўдзел сябры ТБМ, Сп. Алег Трусаў, сп. Лявон Баршчэўскі, перакладчык сп. Ягор Сурскі.

2017.07.22 0

Беларускі скансэн шчыра запрашае на фестываль “Дай лапу!”

Беларускі скансэн шчыра запрашае на фестываль “Дай лапу!”, прысвечаны жыццю і адказнаму трыманню сабак – 29.07.2017 г. а 14:00!

У праграме мерапрыемства:

- Выступ службовых сабак з гадавальніка службовых сабак Мінскага гарадскога ўпраўлення Дэпартамента аховы Міністэрства ўнутраных спраў Рэспублікі Беларусь;

- Зборныя тэматычныя экскурсіі «Сакрэты вядзення хатняй гаспадаркі» па экспазіцыі «Цэнтральная Беларусь»;

- Фотазона ў народным стылі;

- Майстар-клас па народных танцах і песнях.

Правядзі выдатны выхадны на прыродзе з сям’ёй і выхаванцамі!

2017.07.19 0