Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Зварот ТБМ з нагоды Міжнароднага дня роднай мовы

Віншуем вас з Міжнародным днём роднай мовы, які наша краіна разам з сусветнай супольнасцю чарговы раз адзначае 21 лютага. Па добрай традыцыі ў многіх установах Беларусі ў гэты дзень пройдуць акцыі ў падтрымку беларускай мовы: Агульнанацыянальная дыктоўка, сустрэчы з пісьменнікамі, прэзентацыя твораў і кніг на беларускай мове, канцэрты беларускіх музыкаў.

Мы прапануем кожнаму з вас далучыцца да гэтых мерапрыемстваў або ініцыяваць сваё для таго, каб беларуская мова трывала ўвайшла ў наша жыццё.

Жадаем вам, каб штодня вас атуляла шчырае беларускае слова і спрыяла вашаму поспеху. Смялей і ахвотней карыстайцеся беларускай мовай у розных жыццёвых сітуацыях! Мы цвёрда перакананы: штодзённае ўжыванне спрадвечнай мовы беларускага народу ўзбагаціць нас духоўна, напоўніць творчым натхненнем і надасць сілы для стварэння выдатных умоў жыцця ў нашай краіне.

Пакуль гучыць беларускае слова – існуе незалежная беларуская дзяржава, якая мае тысячагадовую гісторыю.

2018.02.19 0

Дзякуючы прапанове ТБМ Белпошта выдала канверт у гонар Адама Кіркора

РУП "Белпошта" выдала новы канверт, прысвечаны 200-годдзю з дня нараджэння беларускага гісторыка, этнографа, археолага, публіцыста, выдаўца, грамадскага дзеяча Адама Кіркора. Сам ліст з прапановай можна прачытаць тут. Паглядзець канверт тут.

2018.01.31 1

Адказ уладаў на зварот ТБМ з прапановай адрамантаваць Мсціслаўскі касцёл Св. Міхаіла Арханёла

На ліст з прапановай адрамантаваць Мсціслаўскі касцёл Св. Міхаіла Арханёла і былы калегіум езуітаў у Мсціславе ТБМ днямі атрымала адказ ад уладаў. Фактычна адказ на 3 старонках змяшчае інфармацыю пра тое, што ўлады робяць розныя рамонтныя мерапрыемствы ў іншых месцах, што звяртацца з такой прапановай неабходна ў іншыя месцы і што сродкаў трэба нямала. Цалкам ліст далей.

2018.01.29 0

Прапановы старшыні ТБМ спн. Алены Анісім па плане дзейнасці на 2018 год для абмеркавання

Старшыня ТБМ спн. Алена Анісім склала спіс прапаноў да плана дзейнасці арганізацыі ў 2018 г.  для публічнага абмеркавання. Усе свае прапановы, заўвагі і ідэі просім дасылаць на пошту siadziba@gmail.com з пазнакай "План дзейнасці на 2018 год".

2018.01.16 2

Да ведама сяброў Рады ТБМ (абноўлена)

У адпаведнасці з рашэннем Сакратарыята ТБМ чарговае паседжанне Рады адбудзецца 21 студзеня 2018 г. у сядзібе ТБМ. 

Рэгістрацыя з 9:00 да 10:30, пачатак Рады з 10:30.

2018.01.15 0

ТБМ віншуе ўсіх з Калядамі, Новым годам і з Раством!

Таварыства беларускай мовы шчыра віншуе ўсіх людзей з усімі цудоўнымі святамі і выказвае падзяку за віншаванні, ахвяраванні і падтрымку. З узаемапавагай, аптымізмам, надзейнымі сябрамі, роднай мовай і святлом у душы стварайма лепшую Беларусь!

 

2018.01.06 0

Выйшаў “Верасень” №17

Выйшаў з друку сямнаццаты па ліку нумар літаратурна-мастацкага часопіса “Верасень”. У часопісе прадстаўленыя раздзелы "Паэзія", "Проза", "Пераклады", "Крытыка".

Пытайце “Верасень” № 17 на офісе ТБМ (Румянцава,13). Чытайце “Верасень” на сайтах: Kamunikat.org і tbm-mova.by. Дасылайце свае творы ў “Верасень” на адрас: verasenchas@gmail.com

2017.12.21 0

Старшыня гомельскага ТБМ Алеся Аўласевіч пра моўныя кансультацыі, Цэнтр беларускай мовы і многае іншае

На сайце gomel.today з'явілася разгорнутае інтэрвью з старшынёй гомельскага ТБМ Алесяй Аўласевіч, якая распавяла пра моўныя кансультацыі дзяржаўных устаноў, заснаванне Цэнтра беларускай мовы ў Гомелі, беларускамоўныя заняткі для дзетак і многае іншае.

Таксама спн. Алеся будзе ўдзельнічаць у Гарадскім форуме, дзе ёй можна будзе задаць пытанні. Мерапрыемства пройдзе 23 снежня (субота) у прасторы «Ковчег» (пр.Перамогі , 2а, 2 паверх). Пачатак а 15.00. Уваход вольны, але колькасць месцаў абмежаваная. Прыярытэт атрымаюць тыя, хто зарэгіструецца па спасылцы. Поўная праграма і спіс спікераў тут.

2017.12.21 0

Вітальнае слова Алены Анісім на прэзентацыі першага поўнага Рыма-каталіцкага выдання «Новага Запавету» па-беларуску

На прэзентацыі першага поўнага Рыма-каталіцкага выдання «Новага Запавету» па-беларуску, якая адбылася 19 снежня ў нацыянальнай бібліятэцы Беларусі, спн. Алена Анісім, дэпутатка і старшыня ТБМ, прачытала вітальнае слова (прачытаць можна далей).

2017.12.20 0

Зварот ТБМ у Адміністрацыю Прэзідэнта аб пашырэнні ўжывання беларускай мовы

На зварот ТБМ у Адміністрацыю Прэзідэнта аб пашырэнні ўжывання беларускай мовы з прапановай прыняць Указ аб дзяржаўнай падтрымцы беларускай мовы, у якім прадугледзець фінансавае забеспячэнне на функцыянаванне дзяржаўнай беларускай мовы, днямі прыйшоў адказ. У ім паведамляецца, што інфармацыя да ведама прынятая. Але ТБМ будзе весці ліставанне і далей, каб атрымаць больш змястоўныя адказы.

Прачытаць лісты можна тут.

2017.12.16 0