Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Да ведама сяброў Рады ТБМ

У адпаведнасці з рашэннем Сакратарыята ТБМ 13 сакавіка ў 18.00 адбудзецца нечарговае паседжанне Рады ў сядзібе ТБМ. Іншагароднім сябрам Рады аплата праезда не зможа быць кампенсаваная.

2018.03.11 1

ТБМ ладзіць пешую экскурсію па г. Менску, прысвечаную 100-годдзю БНР

Паважаныя сябры, запрашаем 24 сакавіка 2018 г. аб 11:00 на пешую экскурсію па г. Менску, прысвечаную 100-годдзю БНР. Экскурсію ладзіць Менская гарадская арганізацыя ТБМ. Правядзе экскурсію намеснік старшыні Менскай гарадской арнізацыі ТБМ, экскурсавод Павел Мезаўцоў.

Працягласць экскурсіі - каля 1,5 гадзіны. Удзел бясплатны.

Пра месца збору групы будзе паведамлена пасля рэгістрацыі. Зарэгістравацца можна па спасылцы.

2018.03.10 1

Запрашаем на моладзевы сход ТБМ

Паважаныя сябры ТБМ да 35 гадоў, запрашаем вас далучыцца да стварэння моладзевай суполкі. Разам будзем гуляць у настольныя гульні на беларускай мове, глядзець фільмы па-беларуску і абмяркоўваць іх, распачынаць добрыя ініцыятывы і культурныя мерапрыемствы, паляпшаць сваю беларускую мову і многае іншае! Арганізацыйны сход адбудзецца ў суботу, 17 сакавіка 2018 г., а 18 гадзіне ў сядзібе ТБМ (г. Мінск, вул. Румянцава, 13).

Калі вы яшчэ не з'яўляецеся сябрам ТБМ, да арганізацыі можна будзе далучыцца на самім сходзе.

2018.03.10 0

Віншуем са святам Вясны – Міжнародным жаночым Днём!

Таварыства беларускай мовы віншуе ўсіх жанчын са святам Вясны – Міжнародным жаночым Днём!

Вы спрадвеку былі захавальніцамі сапраўдных традыцыйных культурных каштоўнасцей – найперш роднай матчынай мовы. Ваша пяшчота і любоў выхавалі многія пакаленні беларусаў у любові і павазе да сваёй бацькоўскай спадчыны праз спевы калыханкі, чытанне беларускіх кніжак, аповеды пра жыццё прадзедаў. Многія з вас і сёння незалежна ад узросту ахвяруюць свой талент і вольны час для працы з моладдзю, выхоўваючы патрэбу ў роднай беларускай мове.

Мы ўдзячныя вам за вашу пазіцыю і ўзаемападтрымку і жадаем здароўя, моцы, аптымізму, веры і непагаснай надзеі на тое, што роднае слова выведзе наш беларускі народ да нацыянальнага яднання, дабрабыту і дзяржаўнага росквіту..

                                                                                           Сакратарыят ТБМ

 

2018.03.07 0

Запрашаем на другі этап Агульнанацыянальнай дыктоўкі! (абноўлена)

У нядзелю 25 сакавіка ТБМ (Менская гарадская арганізацыя ТБМ) запрашае прыняць удзел у другім этапе адзінаццатай Агульнанацыянальнай дыктоўкі, прысвечанай Міжнароднаму дню роднай мовы (вул. Румянцава, 13). Пачатак у 11:00. Уваход вольны.

Першы этап адбыўся 21 лютага на Міжнародны дзень роднай мовы. Чытала дыктоўку былая настаўніца 50 гімназіі г. Мінска спн. Валянціна.

2018.02.23 0

ТБМ атрымала ад Нацыянальнай бібліятэкі Беларусі каштоўны падарунак: 17 кніг Скарыны

Старшыня ТБМ Алена Анісім і першы намеснік Уладзімір Колас атрымалі ад Нацыянальнай бібліятэкі Беларусі каштоўны падарунак: 17 кніг Скарыны, выдадзеных у гонар 500-годдзя беларускага кнігадрукавання. Неўзабаве мы зладзім прэзентацыю і кожны зможа сфатаграфавацца і пагартаваць гэтае шыкоўнае выданне.

2018.02.23 1

І хочацца, і колецца

На дасланую ў Нацыянальны аэрапорт петыцыю з патрабаваннем пашырыць выкарыстанне беларускай мовы прыйшоў адказ.

2018.02.21 0

Запрашаем на адзінаццатую Агульнанацыянальную дыктоўку!

ТБМ (Менская гарадская арганізацыя ТБМ) запрашае ўсіх ахвотных прыняць удзел у адзінаццатай Агульнанацыянальнай дыктоўцы, прысвечанай Міжнароднаму дню роднай мовы, 21 лютага ў офісе ТБМ (вул. Румянцава, 13). Пачатак у 18:45. Уваход вольны.

2018.02.20 0

Зварот ТБМ з нагоды Міжнароднага дня роднай мовы

Віншуем вас з Міжнародным днём роднай мовы, які наша краіна разам з сусветнай супольнасцю чарговы раз адзначае 21 лютага. Па добрай традыцыі ў многіх установах Беларусі ў гэты дзень пройдуць акцыі ў падтрымку беларускай мовы: Агульнанацыянальная дыктоўка, сустрэчы з пісьменнікамі, прэзентацыя твораў і кніг на беларускай мове, канцэрты беларускіх музыкаў.

Мы прапануем кожнаму з вас далучыцца да гэтых мерапрыемстваў або ініцыяваць сваё для таго, каб беларуская мова трывала ўвайшла ў наша жыццё.

Жадаем вам, каб штодня вас атуляла шчырае беларускае слова і спрыяла вашаму поспеху. Смялей і ахвотней карыстайцеся беларускай мовай у розных жыццёвых сітуацыях! Мы цвёрда перакананы: штодзённае ўжыванне спрадвечнай мовы беларускага народу ўзбагаціць нас духоўна, напоўніць творчым натхненнем і надасць сілы для стварэння выдатных умоў жыцця ў нашай краіне.

Пакуль гучыць беларускае слова – існуе незалежная беларуская дзяржава, якая мае тысячагадовую гісторыю.

2018.02.19 0