Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Запрашаем на першыя лекцыі "Гістарычнай школы" з Алегам Трусавым (абноўлена)

Ужо 11 і 12 ліпеня з 17:30 да 19:00 запрашаем на лекцыі і прагляды дакументальных гістарычных стужак (першыя лекцыі будуць прысвечаныя гісторыі Менска) з новым сезонам летняй "Гістарычнай школы" начале з Алегам Трусавым, археолагам, гісторыкам беларускай архітэктуры, кандыдатам гістарычных навук, дацэнтам, палітыкам і грамадскім дзеячом, в.а. абавязкі рэктара "Універсітэта імя Ніла Гілевіча", Ганаровым старшынём ТБМ. 

11 ліпеня Алег Трусаў распавядзе пра археалагічныя раскопкі Зянона Пазняка (Дамініканскі касцёл) і раскопкі Мінскага замчышча. Будуць паказаныя здымкі раскопак 80-х, паказаны дакументальныя фільмы пра гісторыю Менска. Тэма першай лекцыі "Старажытны Менск".

12 ліпеня адбудзецца лекцыя на тэму "Менск і Мінск у ХІХ-ХХ стст."

Адрас: офіс ТБМ (вул. Румянцава, 13). Уваход вольны.

2018.07.06 0

Сёлета Юрыю Хадыку споўнілася б 80 гадоў

Сёлета, 23 чэрвеня, беларускаму навукоўцу, грамадскаму і культурнаму дзеячу, доктару фізіка-матэматычных навук, актыўнаму сябру ТБМ, Юрыю Хадыку споўнілася б 80 гадоў. Да свайго юбілея сп. Юрый не дажыў 2 гады (памёр 11 верасня 2016 г.), але да апошніх гадоў жыцця ён займаў актыўную грамадскую пазіцыю і падтрымліваў ТБМ. Менавіта Хадыка ў 90-ыя, як узгадвае Алег Трусаў, прапанаваў стварыць беларускамоўны Нацыянальны ўніверсітэт. Таму створаны прыватны "Універсітэт імя Ніла Гілевіча" ў пэўнай ступені ажыццяўляе даўнюю мару сп. Юрыя.

2018.07.06 0

Усім, хто сёння святкуе Купалле: Чаму сёння Купалле масава святкуецца увечары 6 ліпеня, а не па Сонцы, 21 чэрвеня

У суполцы часопіса "Бярозка" ў vkontakte выстаўлены цікавы артыкул даследчыцы фальклорных традыцый Алены Ляшкевіч пра традыцыйны час святкавання старажытнага свята.

2018.07.06 0

“Верасень” №18 ужо ў офісе ТБМ (абноўлена)

Выйшаў з друку васямнаццаты па ліку нумар літаратурна-мастацкага часопіса “Верасень”. У часопісе прадстаўленыя раздзелы "Паэзія", "Проза", "Пераклады", "Крытыка. Публіцыстыка. Эсэ". Сярод аўтараў як вядомыя імёны, так і імёны маладых літаратараў.

Пытайце “Верасень” № 18 на офісе ТБМ (Румянцава,13) па буднях з 17:00 да 19:00. Чытайце “Верасень” на сайтах Kamunikat.org і tbm-mova.by. Дасылайце свае творы ў “Верасень” на адрас: verasenchas@gmail.com

2018.07.05 0

Навіны ўніверсітэта імя Ніла Гілевіча: выраблены пячатка і штамп (абноўлена)

Прыватная ўстанова адукацыі "Універсітэт імя Ніла Гілевіча" (заснавальнік ТБМ) цяпер мае пячатку (штамп) для афіцыйнай дакументацыі і штамп для карэспандэнцыі. Ілюстрацыйныя варыяныты можна паглядзець тут.

2018.07.05 0

Старшыня ТБМ Алена Анісім пабывала на пасяджэнні камісіі па міжнародных справах Сейма Польшчы

Учора, 4 ліпеня, спн. Алена Анісім, дэпутатка Палаты прадстаўнікоў і старшыня ТБМ, пабывала на пасяджэнні камісіі па міжнародных справах Сейма Польшчы, дзе адбыліся слуханні па грамадска-палітычнай сітуацыі ў Беларусі.

2018.07.05 0

Створаны падручнік прафесійнай лексікі для медыкаў па-беларуску

Віктар Варанец, лексікограф, педагог, намеснік дэкана медыка-псіхалагічнага факультэта Гродзенскага дзяржаўнага медыцынскага ўніверсітэта зрабіў падручнік "Беларуская мова. Прафесійная лексіка для медыкаў". Азнаёміцца з выданнем і спампаваць pdf-версію можна па спасылцы. Раней, у  2013 г. сп. Варанец быў прызнаны "Чалавекам года Гарадзеншчыны".

2018.07.05 0

Распрацаваныя змены ў закон "Аб абароне правоў спажыўцоў"

Нядаўна былі ўнесеныя змены ў закон "Аб абароне правоў спажыўцоў". Цяпер замест замацаванай альтэрнатывы "па-беларуску альбо па-руску" на ўпакоўцы тавара даводзіць інфармацыю можна і на абедзвюх мовах адначасова "па-беларуску і (альбо) па-руску". Цалкам усе змены можна прачытаць тут.
Читать полностью:  https://finance.tut.by/news598414.html

2018.07.05 0

Распачынаецца новы сезон "Гістарычнай школы" з Алегам Трусавым

У ліпені пачнецца новы сезон "Гістарычнай школы" з Алегам Трусавым, археолагам, гісторыкам беларускай архітэктуры, кандыдатам гістарычных навук, дацэнтам, палітыкам і грамадскім дзеячом, в.а. абавязкі рэктара "Ўніверсітэта імя Ніла Гілевіча", Ганаровым старшынём ТБМ. Штомесяц будзе праведзена па 2 лекцыі, у якіх сп. Трусаў будзе распавядаць пра гісторыю Менска, Нясвіжа, Ліды і інш. гарадоў Беларусі.  

Таксама будуць ладзіцца прагляды гістарычных фільмаў і іх абмеркаванне. Расклад і час будзе выстаўлены пазней.

2018.06.29 0

У ТБМ адбылася творчая сустрэча з Зміцерам Вайцюшкевічам

У офісе ТБМ 27 чэрвеня на прэзентацыі другога выдання кнігі "Беларускае слова ад спеву", прысвечанай творчасці Зміцера Вайцюшкевіча, артыст выканаў некалькі сваіх папулярных кампазіцый, пагутарыў з гасцямі імпрэзы і абяцаў цешыць аматараў сваёй дзейнасці і надалей.

Сустрэча адбылася, як кажуць, лампавай, але сп. Зміцер выступаў так, нібы яго слухае не пара дзясяткаў чалавек, а цэлая зала ці стадыён.

2018.06.29 0