Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

27 ліпеня - знакавая дата ў гістарычным календары нашай краіны

У гэты дзень 27 ліпеня 1990 г.  Вярхоўны Савет Беларускай Савецкай Сацыялістычнай Рэспублікі прыняў Дэкларацыю аб дзяржаўным суверэнітэце. Яна абвясціла поўны дзяржаўны суверэнітэт БССР як вяршэнства, самастойнасць і паўнату дзяржаўнай улады рэспублікі ў межах яе тэрыторыі, правамоцнасць яе законаў і незалежнасць знешніх адносінах. Больш чым праз год, 25 жніўня 1991 г., Дэкларацыя атрымала статус канстытуцыйнага закона, на падставе якога былі ўнесеныя змены і дапаўненні ў Канстытуцыю БССР 1978 года. Фактычна гэтыя падзеі і паслужылі пачаткам атрымання сапраўднай незалежнасці.

Гэтую гістарычную дату (27 ліпеня) адзначалі з 1992 па1995 г. На svaboda.org выкладзена відэа, на якім бачна, як у 27 ліпеня 1994 года кіраўнік краіны Аляксандар Лукашэнка разам з чыноўнікамі, мітрапалітам і ветэранамі ўскладалі кветкі да помніка Перамогі.

 


https://nn.by/?c=ar&i=174310


https://nn.by/?c=ar&i=174310

2018.07.27 0

На ulej.by збіраюць на друк настольнай гульні "Падарожжа па Беларусі"

Стварыла праект Наталля Галко, якая піша пра гульню для дзяцей наступнае: "Галоўная дзеючая асоба ўсіх гульняў і вядучы – гэта Смоўжык. Ён дасканала ведае ўсе правілы гульняў, дапамагае бацькам заахвочваць дзяцей і апавядае аб усіх цікавостках роднай мовы. Нават сама ракавінка Смоўжыка з’яўляецца ўвасабленнем таго каштоўнага, што ёсць у кожнага з нас. Што гэта? Дзеці, сям’я, Радзіма, родная мова…"

Аўтарка абяцае, што "гульня павялічыць цікавасць дзяцей да роднай мовы, дапаможа ў яе вывучэнні, а таксама – дасць магчымасць усім жадаючым бавіць вольны час па-беларуску."

На праект патрабуецца сабраць 3 875 BYN, ужо сабрана 4% ад гэтай сумы, а да канца кампаніі па зборы сродкаў 54 дні.

2018.07.25 0

Адказ Алега Трусава на зацемку ў "Лідскай газеце". "Лідская газета" даслала свой адказ на гэта (абноўлена 25 ліпеня)

На зацемку ад 27 чэрвеня 2018 г. у "Лідскай газеце" №51 Антона Быстрыцкага "Интерес в этом деле скорее личный" датычна прыватнага ўніверсітэта імя Ніла Гілевіча Алег Трусаў дае разгорнуты адказ. 

Галоўны рэдактар “Лідскай газеты” К. А. Серафіновіч нядаўна прыслала свой адказ Алегу Трусаву. Азнаёміцца можна далей.

2018.07.25 0

"Яцвяжскі слоўнічак". Што гэта?

На сайце nn.by з'явіўся цікавы артыкул пра знойдзены 40 год таму ў Белавежскай пушчы т. зв. "Яцвяжскі слоўнічак". Пра тое, што гэта і што далей, піша Алесь Мікус. 

2018.07.23 0

Універсітэт імя Ніла Гілевіча працягвае прыём рэзюме ад выкладчыкаў (абноўлена)

Нагадваем, што яшчэ можна далучыцца да працы першага беларускамоўнага ўніверсітэта краіны. Варта паспяшацца, бо сёння ўжо абвешчаны набор на курсы.

Даслаць сваё рэзюме можна на адрас універсітэта nhuniversitet@gmail.com ці адрас ТБМ siadziba@gmail.com (з пазнакай "Рэзюме"). Вашае рэзюме будзе перадусім разгледжанае, затым можа быць праведзена сумоўе.

Пакуль універсітэт толькі шукае памяшканне для заняткаў, праходзіць многа адміністратыўных працэдур і шукае сродкі, але далучыцца да працы валанцёрам можна ўжо цяпер (любыя прапановы па супрацы таксама дасылайце на вышэйазначаныя адрасы).

Сайт універсітэта знаходзіцца ў стадыі напаўнення, але ўжо даступны па адрасе nhu.by

2018.07.20 0

Алена Анісім прапанавала міністру культуры круглы стол аб мемарыялізацыі Курапат

На сайце svaboda.org быў выкладзены матэрыял пра тое, што 19 ліпеня дэпутатка Палаты прадстаўнікоў, старшыня Таварыства беларускай мовы імя Францішка Скарыны Алена Анісім накіравала ліст міністру культуры Юрыю Бондару з прапановай правесці круглы стол па мемарыялізацыі Курапат. Прыводзім матэрыял цалкам.

2018.07.20 0

Алена Анісім каментуе сітуацыю з сапраўднасцю беларускамоўнага навучання ў дзіцячых садках

На сайце праваабарончага цэнтра "Вясна" spring96.org размясцілі вялікі матэрыял з каментарамі спн. Алены Анісім адносна сітуацыі з беларускамоўнасцю навучання ў групах дзіцячых садкоў. Падаем матэрыял цалкам.

2018.07.20 0

На дзейнасць ТБМ на ulej.by сабрана 3192 рублі! Спісы ахвярадаўцаў і падзяка

ТБМ паспяхова завяршыла кампанію па зборы сродкаў на бягучую дзейнасць і на рамонт офіса праз ulej.by.

Усяго планавалася сабраць 3000 рублёў, за 30 дзён было сабрана 106% ад першапачаткова запланаванай сумы (гэта 3192 рублі). Падтрымала арганізацыю праз платформу 57 чалавек (сярод якіх і заснавальнік tut.by Юрый Зісер, МТГ "RэZэрвацыЯ"група перакладчыкаў, мэтай якіх з'яўляецца стварэнне якасных беларускіх лакалізацый камп'ютарных гульняў і многія іншыя). ТБМ выказвае падзяку ўсім, хто падтрымлівае справай і фінансава. Разам адолеем усё!

Сярод ахвярадаўцаў 57 чалавек, але не ўсе пакінулі свае імёны публічнымі. Сярод тых, хто адкрыў сваё імя (імёны падаюцца ў тым напісанні, у якім яны зарэгістраваныя на сайце): Михаил Чварков, Anton Bielski, Vital Kutsyla, Васіль Герасімчык, МТГ RэZэрвацыЯ, Іван Арцімовіч, Навадворскі Юрый, Сілюкоў Сяргей, Святлана, Павел Капарыха, Азарынская Ірына, Андрей Тарасевич, Кацярына Тананко, Руткевіч Вераніка, Юрий Зиссер ,Васіль Кісляк, Александр Сотников, Anya, Лиза Довгалова, Ihar Kudraŭcaŭ, Марына Ярашук, Дмитрий Косицин, Ирина Бык, Siarhiej Mudračenka, Volha Abraztsova, Кацярына Жылінская.

2018.07.18 0

У сеціве з'явілася база дадзеных па драўлянай спадчыне Беларусі

Сайт "Драўляная спадчына Беларусі" створаны пры супрацоўніцтве з Веткаўскім музеям стараабрадніцтва і беларускіх традыцый імя Ф. Р. Шклярава vetka.museum.by

Сяргей Ляпін -архітэктар і  аўтар праекта, ,Аляксей Чаранкевіч -  дызайнер, Дзяніс Дзянісаў - распрацоўшчык.

Сам сп. Ляпін сайту tut.by распавёў, што "З кожным годам у Беларусі драўляных гістарычных будынкаў застаецца ўсё менш і менш. Дзесьці гаспадары збілі дэкор і вырашылі абшыць дом сайдынгам, у другім месцы сельсавет закапаў закінуты прыгожы будынак. А ў Гомелі гістарычныя драўляныя гарадскія сядзібы зносяцца яшчэ і пад шматпавярховікі. І сёння з гэтым наўрад ці штосьці можна зрабіць... Таму і ўзнікла ідэя стварыць інструмент, з дапамогай якога было б вельмі зручна захоўваць фотаздымкі драўляных дамоў. Гэты матэрыял спатрэбіцца для даследчыкаў драўлянай архітэктуры, а таксама можа быць карысным для аднаўлення найбольш цікавых будынкаў."ью:  https://news.tut.by/culture/598629.html?crnd=98303

2018.07.18 0