Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Пачалася падпіска на “Наша слова”

Пачалася падпіска на першае паўгоддзе 2017 года. У каталогу інфармацыя пра газету знаходзіцца на ст. 76. Падпісны індэкс 63865.
Цана на 6 месяцаў - 7 руб. 44 кап., 3 месяцы – 3 руб. 72 кап., 1 месяц - 1 руб. 24 кап.

2016.11.20 0

ТБМ прапанавала выдаць юбілейную паштовую марку, прысвечаную 100-м угодкам Янкі Брыля (абноўлена)

ТБМ звярнулася ў Мінсувязі з прапановай выдаць юбілейную паштовую марку, прысвечаную 100-м угодкам народнага пісьменніка Беларусі Янкі Брыля. У адказе паведамляецца, што выданне паштовай прадукцыі да 100-годдзя Янкі Брыля ўжо ўнесена ў план на 2017 год. Але некаторыя прапановы могуць быць улічаныя. Таксама Мінсувязі выказвае падзяку за актыўны ўдзел у развіцці філатэліі. Азнаёміцца з адказам можна ніжэй.

2016.11.19 0

Віншуем Эрнеста Ялугіна з 80-годдзем!

Віншуем сп. Эрнеста Ялугіна, які 19 лістапада будзе адзначаць свой юбілей, з 80-годдзем! Сп. Эрнест вядомы беларускі пісьменнік, журналіст, аўтар сцэнарыяў дакументальных тэлефільмаў, былы рэдактар газеты "Наша слова", актыўны сябар ТБМ. Шчыра віншуем сп. Эрнеста Ялугіна з днём нараджэння, зычым аптымізму, плёну на ніве беларушчыны, добрага здароўя. Сябра ТБМ Яўген Гучок напісаў зацемку з нагоды юбілея сп. Эрнеста.

2016.11.17 0

Віншуем Анатоля Вярцінскага з 85-годдзем!

Віншуем сп. Анатоля Вярцінскага, які 18 лістапада будзе адзначаць сваё 85-годдзе. Сп. Анатоль вядомы беларускі паэт, публіцыст, перакладчык, крытык, драматург, актыўны сябар ТБМ. Шчыра віншуем Анатоля Ільіча Вярцінскага з днём нараджэння, зычым добрага здароўя, аптымізму, поспехаў. Сябра ТБМ Марыя Баравік падрыхтавала адмысловае віншаванне.

 

2016.11.15 0

ТБМ прапанавала ўвесці юбілейную манету з выявай Францішка Скарыны з нагоды 500-х угодкаў беларускага кнігадрукавання (абноўлена)

ТБМ 20 кастрычніка звярнулася да старшыні Нацыянальнага банка Беларусі з прапановай увесці ў абарачэнне юбілейную манету (адзін рубель) з выявай Францішка Скарыны з нагоды 500-х угодкаў беларускага кнігадрукавання. У пачатку лістапада мы атрымалі адказ.

2016.11.14 0

У Магілёве адбыўся круглы стол, прысвечаны адкрыццю музея Алеся Адамовіча

У Магілёве 5 лістапада адбыўся круглы стол, прысвечаны адкрыццю музея Алеся Адамовіча. У паседжанні ўдзельнічалі прадстаўнікі розных органаў улады, журналісты, сябры Магілёўскай абласной і гарадской арганізацый ТБМ, іншыя зацікаўленыя асобы. Па запрашэнні арганізатараў у паседжанні круглага стала брала ўдзел першы намеснік старшыні ТБМ, дэпутат Палаты прадстаўнікоў Алена Анісім.

2016.11.10 0

Вечар камернай музыкі інструментальнага трыа VIVA

У Доме-музеі Ваньковічаў 26 лістапада а 18-й гадзіне пройдзе вечар камернай музыкі інструментальнага трыа VIVA з праграмай «Танга ў дваранскай сядзібе».

У праграме прагучаць творы Астара П’яцолы, кампазітара, які зрабіў танга не проста танцавальнай музыкай, а музыкай для праслухоўвання.

2016.11.09 0

На выставе ТБМ новыя выданні

Літаратуры выходзіць шмат і рознай. Што чытаць, кожны выбірае сам. А мы дапаможам выбраць! Завітвайце ў офіс ТБМ (Румянцава, 13) па буднях з 15:00 да 19:00 і знаёмцеся з літаратурнымі навінкамі.

2016.11.06 0

Дэпутат Алена Анісім выступіла з прывітальным словам на навуковай канферэнцыі ў Стоўбцах

У Стоўбцах 27 кастрыніка адбылася навукова-практычная канферэнцыя  “Стаўбцоўшчына – гісторыка-культурная спадчына Наднёманскага рэгіёна”, арганізаваная сумесна Інстытутам гісторыі НАН Беларусі, Аддзяленнем гуманітарных навук і мастацтваў, Стаўбцоўскім выканаўчым камітэтам. Было заяўлена звыш сарака дакладаў і паведамленняў. У канферэнцыі бралі ўдзел навукоўцы з НАН Беларусі, аспіранты, студэнты, прадстаўнікі турыстычнай сферы, архітэктары, краязнаўцы, а таксама вучні старэйшых класаў з розных школ Стаўбцоўшчыны. Канферэнцыя выклікала вялікую цікавасць у грамадскасці. Паводле яе вынікаў была прынята рэзалюцыя.
З прывітальным словам на канферэнцыі выступіла дэпутат Палаты прадстаўнікоў Нацыянальнага сходу Рэспублікі Беларусь па Стаўбцоўскай выбарчай акрузе № 70 Алена Анісім. Яна выказала некалькі прапаноў для выніковай рэзалюцыі. Прыводзім тэкст яе выступу.

2016.11.01 2