Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Конкурс “Грамадская стужка” стартуе ў Віцебску

Стартаваў прыём заявак на конкурс журналісцкіх публікацый “Грамадская стужка”. Да ўдзелу ў конкурсе запрашаюцца журналісты, аўтары і блогеры, якія працуюць у Віцебску і Віцебскай вобласці. Прыём будзе ажыццяўляцца да 13 верасня ўключна.

Заяўкі дасылайце на адрас kursmediavtb@gmail.com

2018.08.10 0

Штогадовы фестываль Lidbeer менш чым праз месяц (абноўлена)

Менш чым праз месяц штогадовы фестываль Lidbeer ("Лідбір"), які ладзіць кампанія "Лідскае піва", пройдзе 8 верасня ў Лідзе. Хэдлайнерам музычнай часткі праграмы стане гурт "Ленинград", таксама выступяць гурты у ім прымуць удзел гурты "Воплі Відоплясова", Animal ДжаZ, Nizkiz и "ЧуVство Полёта".

2018.08.10 0

Танцавальны летнік у Любках

У Любках на сядзібе Міхалюка 18-19 жніўня адбудзецца танцавальны летнікЭпіцэнтрам стане суботняя "Ноч танцаў" (18 жніўня). Граць на летніку будуць капэля "На Таку", Кастусь Канцавы, Наста Шпілеўская.

Рэгістрацыя да 14 жніўня 12.00. Удзел у летніку праз ахвяраванні ў памеры 25 рублёў за ўвесь час ці 10 рублёў за ўдзел толькі ў "Ночы танцаў". Ахвяраванні пойдуць на закуп прадуктаў, для прыгатавання ежы, аплату электрычнасці і газа. КОЛЬКАСЦЬ МЕСЦАЎ АБМЕЖАВАНА!

Пажадана мець свой посуд для ежы (міску, лыжку, кубак).

2018.08.10 0

Свята неглюбскага ткацтва "Кросенцы"

Свята неглюбскага ткацтва "Кросенцы" адбудзецца 19 жніўня ў вёсцы Неглюбка Веткаўскага раёна Гомельскай вобласці (Беларусь).

У межах Свята адбудзецца летнік па традыцыйным ткацтве "Кросенцы", які будзе праходзіць з 15 па 19 жніўня ў Неглюбцы. Вас чакае незабыўны тыдзень паглыблення ў тэхналогію і сімволіку традыцыйнага ткацтва. Лепшыя неглюбскія майстры і іх пераемнікі з Веткаўскага музея будуць дзяліцца таямніцамі неглюбскага ткацтва напрацягу 5 дзён.

Запіс на летнік абавязковы, звяртацца да Пятра Цалка.

2018.08.10 0

Беларускія народныя танцы

Як звычайна па нядзелях у Верхнім горадзе ў Менску праходзяць беларускія народныя танцы. Грае капэла "На таку" і не толькі. Бліжэйшыя танцы адбудуцца 12 жніўня з 19:00 да 22:00, пляцоўка "Арт-тэраса" (за к/з "Верхні горад"). Калі не ўмееце танчыць - не бяды, галоўнае пачаць. Уваход вольны. Форма адзення таксама.

2018.08.10 0

Новае падарожжа Жыгамонта: вёска Войская Камянецкага раёна з яе курганамі

На сайце nn.by распавялі пра новае падарожжа Юрыя Жыгамонта.

Вёска Войская Камянецкага раёна Брэсцкай вобласці — месца ўтульнае і маляўнічае, здаўна ўпадабанае людзьмі.

У Войскай у сям’і святара нарадзіўся Плацыд Янкоўскі — адзін з найцікавейшых беларускіх літаратараў XIX стагоддзя, якога называлі "Вялікім Літвафілам".https://nn.by/?c=ar&i=214136

2018.08.10 0

Прайшла лекцыя "Гістарычнай школы" з Алегам Трусавым пра Лідскі замак

На апошнюю па Лідзе лекцыю "Гістарычнай школы" з Алегам Трусавым (на тэму "Ліда. Замак)", якая прайшла 9 жніўня ў офісе ТБМ, прыйшло нямнога людзей, усё ж спёка ўзяла сваё. Але дыскусіі ўсё адно адбыліся, прычым гарачыя, як і надвор'е. Акрамя лекцыі быў паказаны фільм Алеся Краўцэвіча (тэлеканал Белсат з серыі "Загадкі беларускай гісторыі") і фільм пра раскопкі Лідскага замка з удзелам Алега Трусавам.

Наступныя лекцыі будуць прысвечаны гісторыі  Наваградчыны і пройдуць 6 і 7 верасня з 17:30 да 19:00.

Адрас: офіс ТБМ (вул. Румянцава, 13). Уваход вольны.

2018.08.09 0

32 кнігі, перакладзеныя з 15 моваў, намінаваныя на прэмію Шэрмана

Сёлета на галоўную ўзнагароду прэтэндуюць 32 кнігі, перакладзеныя з 15 моваў, сярод якіх лаціна і іўрыт, а таксама старабеларуская ды родная мова Карласа Шэрмана - іспанская. Выбіраць пераможцу журы будзе сярод перакладаў прозы, паэзіі ды дзіцячай літаратуры.

2018.08.09 0

Часовая экспазіцыя “Якуб Колас і Вільня”

У Літаратурным музеі А. С. Пушкіна (г. Вільнюс) 10 жніўня 2018 года а 13 гадзіне  адбудзецца ўрачыстае адкрыццё часовай экспазіцыі “Якуб Колас і Вільня” і прэзентацыя турыстычнага маршрута “Літаратурны Павільніс: Якуб Колас і Маркучай”, прымеркаваныя да 95-годдзя выдання паэмы “Новая зямля”. 

2018.08.09 0