Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Тэатр "Зніч" запрашае на спектаклі ў лютым і сакавіку

Тэатр "Зніч" запрашае на спектаклі ў лютым і сакавіку.

"Адзінокі птах" (18 лютага), "Пачакай, сонца!" (25 лютага), "Вечалле" (12 сакавіка) для дарослых і "Граф Глінскі-Папялінскі" (21 лютага) для дзяцей.

Больш інфармацыі на афішы і па тэлефонах (017) 331-75-53; (029) 631 44 61 (vel); (033) 601-77-70 (мтс).

 

 

2019.02.12 0

Запрашаем на прэзентацыю працы “Беларуская мова 1918-2018: на прыкладзе друку і адукацыі”

Паважаныя сябры, запрашаем у сераду, 13 лютага 2019 г., у 18:45 на прэзентацыю працы “Беларуская мова 1918-2018: на прыкладзе друку і адукацыі”.

Аўтар і выступоўца: культуразнаўца Андрэй Расінскі.
Даследаванне выканана ў Беларускім інстытуце стратэгічных даследаванняў (BISS), дырэктар – Пётр Рудкоўскі.
На каго разлічанае выступленне: грамадскія дзеячы, прэса, усе неабыякавыя да лёсу беларускае мовы.

Сустрэча адбудзецца на сядзібе ТБМ: г. Мінск, вул. Румянцава, 13.
Уваход вольны.

2019.02.12 0

У Магілёве адбылася прэзентацыя "Гісторыі Расіі" і Універсітэта імя Ніла Гілевіча

У нядзелю, 10 лютага, у магілёўскім Цэнтры Кола адбылася сустрэча з рэктаратам Універсітэта імя Ніла Гілевіча, падчас якой прайшла прэзентацыя дзейнасці ўніверсітэта і адначасова прэзентацыя кнігі "Гісторыя Расіі". Акрамя в.а. рэктара Алега Трусава і прарэктара па навучальнай дзейнасці Паўла Церашковіча таксама выступала і старшыня ТБМ Алена Анісім.

Сустрэча была арганізаваная Магілёўскай арганізацыяй ТБМ і Цэнтрам Кола. Акрамя непасрэдна прэзентацый былі абмеркаваныя розныя актуальныя пытанні беларускай адукацыі, госці задавалі пытанні і выказвалі свае меркаванні адносна дзейнасці ўніверсітэта. Таксама на сустрэчы выступіў бард Васіль Аўраменка, які выканаў беларускамоўныя версіі вядомых рускамоўных песень.

2019.02.10 4

Запрашаем на сустрэчу з Уладзімірам Някляевам

Запрашаем 6 лютага 2019 г. у 18:45 на сустрэчу з паэтам і празаікам Уладзімірам Някляевым. Сустрэча адбудзецца на сядзібе ТБМ (вул. Румянцава, 13). Уваход вольны.

Уладзімір Някляеў — лаўрэат шэрагу прафесійных і дзяржаўных узнагарод за літаратурную дзейнасць. Намінант на Нобелеўскую прэмію (2011). Дэбютаваў вершамі ў 1970 г. Яго творы перакладзены на польскую, фінскую, швецкую ды іншыя мовы. Грамадска-палітычны дзеяч.

2019.02.04 0

Алег Трусаў успамінае Анатоля Грыцкевіча ў артыкуле "Вучоны-энцыклапедыст"

Прапануем артыкул Алега Трусава, які апісвае жыццёвы шлях знакамітага беларускага гісторыка Анатоля Грыцкевіча, якому 31 студзеня 2019 г.  споўнілася б 90 гадоў. Шкада, што сп. Анатоль не дажыў да гэтага юбілею. Але памяць пра яго жыве і да гэтага часу.

2019.01.30 0

Заява Рады ТБМ "Аб удзеле арганізацыі ў палітычных кампаніях 2019-2020 гг."

На паседжанні Рады ТБМ, якое адбылося 27 студзеня 2019 г., была прынятая заява, у якой Рада ТБМ заклікае ўсіх сваіх сяброў і прыхільнікаў прыняць актыўны ўдзел у палітычных кампаніях 2019-2020 гг. з мэтай папулярызацыі беларускай культуры і пашырэння ўжывання беларускай мовы ва ўсіх сферах грамадскага жыцця нашай краіны.

27.01.2019 г.

2019.01.29 0

Арт-Сядзіба збірае сродкі на правядзенне Дня Волі 2019

На краўдфандынгавай платформе talaka.org распачаўся збор сродкаў на тое, каб зрабіць "Дзень Волі 2019" яскравай, значнай і запамінальнай падзеяй, якая аб'ядноўвае беларусаў. Збор сродкаў пойдзе на арганізацыю мерапрыемстваў і акцый на "Дзень Волі 2019". Усяго плануецца сабраць 50 000 BYN, пакуль сабрана 8117 BYN (гэта 16% ад запланаванага) і да канца кампаніі застаецца 47 дзён. 

 

2019.01.29 0

Варта падтрымаць дабрачынны Модны праект Kids Fashion Zone, дзе маделямі стануць дзеці з анкалагічнымі захворваннямі

Паказ адзення беларускіх дызайнераў, дзе маделямі стануць дзеці з анкалагічнымі захворваннямі. Усе сабраныя сродкі пойдуць на лячэнне і рэабілітацыю. Да канца збору сродкаў застаецца яшчэ 3 тыдні. Падтрымаць праект можна тут.

Па дадзеных Сусветнай арганізацыі​ аховы здароўя штогод у свеце больш за 200 тысяч дзяцей маладзейшых за 15 гадоў захворваюць на рак. 

Захворванне дзіцяці - гэта заўседы цяжкая выпрабаванне для ўсёй сям'і. Мы жадаем падрымаць дзяцей і іх сем'і і арганізуем дабрачынны модны праект Kids Fashion Zone. На подыум выйдуць дзеці, якія навучаюцца ў Цэнтры моды і стылю M.Y.STUDIO, дзеці з анкалагічнымі захворваннямі і дзеці артыстаў беларускай эстрады. Яны пакажуць калекцыю адзення крамы “Стиляжки”. 

Удзел у мерапрыемстве дапаможа дзеткам з захворваннямі адчуць падтрымку з боку гледачоў, праявіць сваю індывідуальнасць і атрымаць моцныя прыемныя эмоцыі. Мерапрыемства таксама дапаможа сфарміраваць пазітыўнае інфармацыйнае поле вакол дзяцей з анкалагічнымі захворваннямі.  

Модны паказ прымеркаваны да двух асаблівых дат: Сусветнага дня барацьбы супраць рака і Міжнароднага дня дзяцей, хворых на рак (4 і 15 лютага).

Арганізатары: Цэнтр моды і стылю M.Y.STUDIO,  Установа па аказанні дапамогі ў складанай жыццёвай сітуацыі «Лёс і надзея», ГУ «РНПЦ дзіцячай анкалогіі, гематалогіі і імуналогіі»

Месца правядзення: Victoria Olimp Hotel (г. Мінск, пр-т Пераможцаў, 103).

Час правядзення: 9 лютага 2019 года, з 14.00-19.00.

2019.01.25 0

Асамблея НДА Беларусі ўзнагародзіла Універсітэт імя Ніла Гілевіча ў намінацыі "Новая ініцыятыва"

У гэтым месяцы, 10 студзеня, у прасторы “Корпус” былі названыя пераможцы прэміі “Чэмпіёны грамадзянскай супольнасці – 2018”. У шорт-лісце было 57 намінантаў, а ў журы – 112 грамадскіх лідараў, экспертаў і журналістаў з усёй Беларусі.

У намінацыі "Новая ініцыятыва" ўзнагароду атрымаў Універсітэт імя Ніла Гілевіча. Зарэгістраваны ў якасці ўстановы ў сакавіку 2018. Заснаваны ТБМ, каб выправіць ганебную сітуацыю з немагчымасцю атрымаць вышэйшую адукацыю на беларускай мове.

2019.01.25 0

На збор сродкаў на новую кнігу беларускага пісьменніка Кірыла Стаселька засталося 3 тыдні

Распачалася краўдфандынгавая кампанія на выданне новай кнігі Кірыла Стаселька.

Захапляльны, непрадказальны, эксперыментальны твор, які гарманічна сумяшчае розныя літаратурныя жанры і філасофскія канцэпцыі ў адно цэлае. Чытач акунецца ў шэраг гістарычных перыядаў і падзей, кантынентаў і краін ад Беларусі да Егіпта, вялікіх твораў ад Дантэ да Кафкі, ідэй і канцэпцый ад ніцшэанства да прагматызму.

 

"Дзевяць жыццяў Віта Морэ" ‒ не столькі літаратурны тэкст, размова аўтара з чытачом, колькі дыялог чытача з самім сабой і ўласным унутраным светам. Віта Морэ ‒ не проста галоўны герой, канкрэтная асоба, але вобраз, прататып, які, з аднаго боку, яднае нас, а з іншага ‒ выяўляе нашу рознасць і ўнікальнасць, выяўляе нашы памкненні, страхі, чаканні і матывы.

 

Падтрымаць выданне, зрабіць перадзамову на кнігу Кірыла Стаселька Дзевяць жыццяў Віта Морэ” або атрымаць іншыя падарункі ад аўтара можна па спасылцы

2019.01.24 0