Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Дабрачынны канцэрт "Фолькоцікі" (абноўлена)

У клубе "Бругге" 1 верасня адбудзецца дабрачынны фолк-мэтал (ці каля таго) канцэрт. Hornbreaking Promo разам з грамадскім аб'яднаньнем абароны жывёл "Эгида" ды прытулкам "Домик спасённых душ" прадстаўляюць дабрачынны фолк-метал канцэрт Фолькоцікі!

Склад удзельнікаў:

• Sakramant (folk metal);

• Dymna Lotva (post-black);

• Rokash (neofolk, folk rock);

• Адарвiрог (folk metal).

А яшчэ на фэсце будзе магчымасьць набыць фiрмовую майку, чым вы таксама падтрымаеце жывёлiнак – увесь прыбытак, разам з майстэрняй "Moj rodny kut", будзе перададзены ў вышэйназваныя арганізацыі. Калi жадаеце замовiць канкрэтны памер i колер – пiшыце ў паведамленьнi суполкi да 25 жнiўня.

Квіткі па спасылцы https://bymetal.org/event/folkociki

2018.08.27 0

Міжнародны форум “Агульны горад”

Праз 2 тыдні, 7-8 верасня, у Менску пройдзе міжнародны форум “Агульны горад”, каб прадставіць і абмеркаваць працу, перспектывы і патрэбы Беларусі ў сферы развіцця і кіравання гарадамі.
Спікеры і спікеркі распавядуць пра шматузроўневы, інтэрдысцыплінарны, стратэгічны падыход да развіцця і кіравання гарадамі Беларусі, устойлівае развіццё і зялёную эканоміку гарадоў, інавацыі ў развіцці і кіраванні гарадскім асяроддзем, прынцыпы паспяховых інвестыцыяў.

Сярод спікераў будзе і старшыня ТБМ спн. Алена Анісім.

2018.08.27 1

Народны мемарыял "Курапаты": акцыя "Брукаванка памяці". На збор сродкаў засталося 35 дзён (абноўлена)

На платформе talaka.org працягваюць збіраць сродкі на важную справу. Сабрана ўжо 46% ад сумы (усяго плануецца сабраць 25000 рублёў).

Сабраныя грошы пойдуць на стварэнне якаснай брукаванай дарогі ад тунэля праз МКАД да Крыжа пакутаў у народным мемарыяле «Курапаты». Грошы, якія застануцца пасля адкрыцця брукаванкі да восеньскага шэсця на Дзяды, будуць выкарыстаныя на іншыя працы па дагляду і добраўпарадкаванню крыжоў мемарыяла. Гэтымі справамі ўжо 30 гадоў займаецца на валанцёрскіх пачатках Грамадская дырэкцыя мемарыялу.

2018.08.24 0

Сайт зніжак Slivki.by зладзіў рассылку з беларускамоўным загалоўкам

Сайт, дзе падаюць інфармацыю пра разнастайныя акцыі і зніжкі, Slivki.by зрабіў рассылку сваім кліентам з беларускамоўным загалоўкам: "1 верасня блiзка! Кветкi настаўнікам, тарты, дзіцячыя забавы, паветраныя шарыкі… -50%!" Акрамя таго рэкламная карцінка таксама была аформлена па-беларуску.

Будзем спадзявацца, што цяпер на сайце часцей будуць з'яўляцца беларускамоўныя абвесткі, што прывабіць яшчэ больш карыстальнікаў.

2018.08.24 0

Навіны ад symbal.by

Перадзамова! Цішотка чорная мужчынскіх і жаночых памераў «Вялікі князь Гедымін» (код тавара: 1142).

Цішотка чорная мужчынскіх і жаночых памераў з мастацкай выявай вялікага князя ВКЛ Гедыміна. Прынт для цішоткі распрацаваны дызайнерам Максам Пякарскім з нагоды стварэння і адкрыцця ў 2019 годзе ў горадзе Лідзе помніка «Заснавальнік замка – князь Гедымін».

Увага! Прымаюцца перадзамовы на цішоткі «Вялікі князь Гедымін» па спецыяльнай цане — 20 рублёў. У наяўнасці — з 5 верасня.

Частку сродкаў ад продажу сувенірнай прадукцыі з гэтым дызайнам Symbal.by ахвяруе на выраб помніка Гедыміну.

10 фактаў пра помнік князю Гедыміну ў Лідзе, які плануецца ўрачыста адкрыць у 2019 годзе, чытайце тут.

 

2018.08.23 0

Двухдзённае падарожжа “Захавальнікі Ельні”

Двухдзённае падарожжа 25-26 жніўня ў адно з самых фантастычных месцаў Беларусі – балота Ельня. Пройдземся ўтоенымі сцежкамі: нашымі гідамі ў гэтыя выходныя стануць мясцовыя захавальнікі Ельні, якія выраслі побач з балотам і добра ведаюць гэтыя мясціны. Запрашаем за новымі маршрутамі і дзіўнымі знаёмствамі!

У гэтым падарожжы мы ўбачым як паўночную, так і паўднёвую частку балота Ельня, пабываем як на вядомых, так і на цалкам схаваных ад вачэй маршрутах. Захавальнікі Ельні, Кася Казачонак з Міёрскага боку і Валерый Кавалёнак з Шаркаўшчынскага, правядуць па самых прыгожых мясцінах балот, пазнаёмяць з раслінамі, птушкамі і жывёламі, раскажуць пра сябе, сваё жыццё каля жывапіснага балота. Статус захавальніка прыроднай тэрыторыі прысвойваецца арганізацыяй АПБ (Ахова птушак бацькаўшчыны), а сама сетка такіх захавальнікаў па Беларусі адобрана і падтрымліваецца Міністэрствам прыродных рэсурсаў і аховы навакольнага асяроддзя. Гэта супольнасць актыўных мясцовых людзей, якія любяць свой край і гатовыя пацвердзіць гэта справай.

2018.08.23 0

Першы нумар часопіса "Наша гісторыя" ўжо ў шапіках Белсаюздрук

Першы нумар часопіса "Наша гісторыя" ўжо ў шапіках "Белсаюздруку". Галоўным рэдактарам сапраўды якаснага гістарычнага часопіса пра нашу гісторыю з'яўляецца Андрэй Дынько. Часопіс будзе выходзіць раз на два месяцы. Наклад першага нумара склаў 2000 асобнікаў, таму спяшайцеся набыць нумар (у Акадэмкнігу ўжо падвозілі, бо першы прывоз быў раскуплены).

Таксама можна прапанаваць тэмы для артыкулаў ці дасылаць гатовыя матэрыялы на адрас history@nn.by. Хутка будзе ўжо другі нумар.

2018.08.23 2

Этна-кемпінг "Каранi" (абноўлена)

Турзлёт этна-кемпінг "Каранi" 2018. Для тых, хто гатовы жыць своечасова! У Крупскім раёне, побач з мястэчкам Новае Жыццё на беразе чароўнай ракі Бабёр са старажытнымі дубамі.

24-26 жніўня 2018 — "Каранi|Глыбіннае пагружэнне" [з платным уваходным квітком — арганізацыйны ўнёсак (1 дзень - 25 рублёў, 3 дні - 50, да 16 год уваход вольны)].
Тры дні, падчас якіх у вас будзе магчымасць наведаць майстар-класы і лекцыі вядомых майстроў, чароўны кірмаш, арт-галерэю і інсталяцыі, выступы музыкаў і многае іншае. Таксама на фэсце будзе дзіцячая праграма для маленькіх карэньчыкаў, мужчынскі і жаночы шацёр, жывая музыка і пагружэнне ў сумесную феерыю жыцця, містэрыю свята.

З 27 жніўня па 2 верасня — "Каранi|Па той бок" [вольны ўваход].
Гэта тыдзень проста жыцця ў лясным кемпінзе і эксперыментальны варыянт мерапрыемства. Усе лакацыі, (кухня, сцэны, дэкарацыі, камунікацыі, дзіцячая) застануцца, але праграму будуць фармаваць гасці. Усе сцэны і шатры будуць адкрытыя для практык і творчасці. Кожны ахвотнік зможа выявіцца добраахвотна.

2018.08.22 0

Кінапрагляд стужкі “Чароўныя нажнічкі” пад жывую музыку

У Гродна 25 жніўня а 20-й адбудзецца кінапрагляд бязгукавай стужкі “Чароўныя нажнічкі” пад жывую музыку + традыцыйныя танцы ў суправаджэнні капэлі “Жыдовачка”. Адрас: Гродна, Кірава, 3 (этнакрама “Цудоўня”).

“Чароўныя нажнічкі” – чорна-белая бязгукавая стужка з беларускімі і рускімі субтытрамі, знятая аматарамі кіно з Барысава.

Гэта фільм пра яўрэйскую культуру ў беларускім мястэчку. Сцэнар быў напісаны паводле прачытанай сотні яўрэйскіх казак – і зусім старадаўніх сюжэтаў, і магічных гісторый пачатку 20 стагоддзя пра беларускія мястэчкі.

Запрашаем паглядзець, паслухаць і патанчыць!
Уваход вольны, вітаецца падзяка музыкам.

Падрабязнасці па тэлефоне: +37533 6232616 (Андрэй, этнакрама “Цудоўня”).

 

2018.08.22 0

Алег Трусаў пра кнігу Сяргея Навумчыка "1993". Першы летапісец незалежнай Беларусі

У гэтым годзе беларускі палітык і журналіст Радыё Свабода Сяргей Навумчык напісаў чарговую кнігу пра пачаткі новай беларускай дзяржаўнасці “Дзевяноста трэці”. Перад гэтым у яго былі напісаныя кнігі пра 1991, 1992, 1994 і 1995 гады — першыя гады існавання незалежнай беларускай дзяржавы. За многія гады сп. Навумчык сабраў вялікі архіў па найноўшай гісторыі Беларусі і, у першую чаргу, сценаграмы ўсіх сесій Вярхоўнага Савета БССР і Рэспублікі Беларусь ХІІ склікання.

2018.08.21 4