Таварыства беларускай мовы імя Ф.Скарыны

Мінск
Пошук
Беларуская English
Увайсьці або зарэгістравацца
↓ Паказаць «ТБМ на адной старонцы»
навіны

Конкурс “Стань мясцовым гідам па Серабранцы”

У менскага спальніка “Серабранка” ў кастрычніку з'явіцца ўласны турыстычны гід у малюнках. Гід-комікс па Серабранцы накіраваны на пераасэнсаванне грамадскіх прастораў у спальным раёне “Серабранка” і ўладкаванне сумесна з жыхарамі і прафесіяналамі грамадскіх пляцовак з фокусам на камфорт, бяспеку, культуру, ЗЛЖ ды інклюзію. Праект запрашае мясцовых жыхароў стаць гідамі па Серабранцы і прапаноўваць свае маршруты, якія ілюстратаркі ўвасобяць у выявах. Крэатыўная каманда складаецца з беларускіх ілюстратараў, картографа і журналіста

Дэдлайн прыёму заявак на serabranka2018@gmail.com: 25 жніўня 2018.

2018.08.16 0

Памёр Хведар Нюнька. ТБМ спачувае сваякам

Учора, 15 жніўня, на 91 годзе жыцця, як паведамляе сайт nn.by, памёр беларускі грамадска-культурны дзеяч у Літве Хведар Нюнька.

Паводле інфармацыі ад яго дачкі Ніны развітанне будзе ў Еўфрасіннеўскім саборы, што пры могілках Ліпоўка. Пахаванне адбудзецца ў пятніцу ў 13:30 на гэтых жа могілках.

Хведар Нюнька нарадзіўся 6 красавіка 1928 г. ў в. Алешавічы ў гміне Каменка ў Заходняй Беларусі, што тады ўваходзіла ў склад Польшчы (цяпер Мастоўскі раён, Гарадзенская вобласць). У 1943 г. сям’я Нюнькі пераехала ў Вільню, у якой ён у 1948 г. скончыў расійскую гімназію імя Чарняхоўскага. Вучыўся на лясным факультэце Літоўскай сельскагаспадарчай акадэміі (скончыў у 1953 г.).

Цягам 35 гадоў да 1992 г. працаваў галоўным спецыялістам па каштарысах у праектных будаўнічых інстытутах Вільні. З 1980-х гадоў вёў актыўную грамадска-культурную працу па адраджэнні беларушчыны ў Літве. Ад ўтварэння 4 лютага 1989 г. да 29 верасня 2014 г. ён з'яўляўся старшынём Таварыства беларускай культуры ў Літве.

Таварыства беларускай мовы выказвае спачуванні сваякам і блізкім сп. Хведара.

 

2018.08.16 1

У Магілёве набіраюць групу дзяцей з беларускай мовай выхавання

У Магілёве ў Яслі-сад №79 набіраюць групу дзяцей з беларускай мовай выхавання. Адрас установы: бульвар Непакораных, 87. 
Тэл. 42-71-54; 42-71-55.

У 2018/2019 навучальным годзе на базе сярэдняй школы  № 34 г. Магiлева (вул. Габраўская, 16) працягне працавaць 3 клас з беларускай мовай навучання. Пры наяўнасці пажаданняў бацькоў (або асоб іх замяняючых) магчыма стварэнне першага класа таго ж накірунку. 

Па пытаннях навучання дзяцей у гэтых класах прапануем тэлефанаваць: 
24-52-29 - кожны тыдзень у ауторак з 14:00-20:00 дырэктар школы Якіменка Iгар Віктаравіч, 
24-52-61 - намеснік дырэктара па навучальнай рабоце (пачатковая школа) Марушэнка Святлана Іванаўна з 8:00 да 17:00 
24-50-15 - сакратар школы Міркіна Святлана Яўгенаўна з 8:00 да 17:00 

У летнi перыяд прыем дакументаў будзе ажыццяўляцца з 12 чэрвеня па 28 жнiўня 
з 8:00 да 13: 00 каб. № 5 
з 15:00 да 20:00 каб № 5 
субота з 9:00 да 13:00 каб №5. 

2018.08.14 0

"Кастусь Каліноўскі" — першы беларускі баявік

Як паведамляе Новы Час, роўна 90 гадоў таму ў Мінску адбылася прэм’ера нямога фільма "Кастусь Каліноўскі," знятага ў 1927 годзе па матывах аднайменнай драмы Еўсцігнея Міровіча. У прэсе таго часу фільм называлі "беларускім баевіком".

2018.08.14 0

Пад Мінскам адбылася "Туса беларусаў"

На сайце nina.nn.by выклалі матэрыял пра паўнавартнасны від летняга адпачынку на прыродзе для беларускамоўных дзетак і іх бацькоў "Туса беларусаў". 

#Тусабеларусаў спачатку была проста хэштэгам, які выкарыстоўвалі беларускамоўныя таты і мамы ў чаце "Вандроўкі-тусоўкі".

Гэты чат, у сваю чаргу, адгалінаваўся ад чата "Дзеткі-кветкі", пра які раней пісала «Наша Ніна»: Мінчанка стварыла першы беларускамоўны чат у вайберы для бацькоў.

 

2018.08.14 0

Комікс беларускага дызайнера, паэта і музыкі Пашы Дарохіна: пра Андрэйку, агародзец ды птушачак

Паша Дарохін, акрамя паэтычнай і спеўнай творчасці, стварае многа адметных візуальных цікавостак. Некаторыя з іх становяцца гітамі, а некаторыя бывае прыемна выпадкова адшукаць ці адкрыць. Прапануем яго недзіцячы комікс пра Андрэйку, агародзец ды птушачак.

2018.08.13 2

DOIKA 1.2: крыніца жыцця для грамадскіх ініцыятыў

Грамадскім аб’яднанням і іншым ініцыятывам варта звярнуць увагу на модуль “Doika”. Гэта бясплатная праграма з адкрытым кодам, якая дапаможа вам збіраць грошы на вашую грамадскую дзейнасць.

“Doika” усталёўваецца на сайт вашай ініцыятывы і дазваляе наведнікам максімальна лёгка, у мінімум клікаў, рабіць грашовыя пераводы на ваш рахунак. Каб зрабіць перавод, чалавек проста ўводзіць дадзеныя сваёй банкаўскай карткі і суму плацяжу. Гэтак вашыя прыхільнікі змогуць хутка рабіць вам ахвяраванні, а чальцы аб’яднання ― плаціць унёскі.

Аўтары модуля ― грамадскае аб’яднанне “Фаланстэр” (18 чалавек). Карыстаючыся ранняй версіяй модуля, яны за 2,5 месяца сабралі праз уласны сайт 700 BYN ахвяраванняў. 

2018.08.13 0

Новае падарожжа Жыгамонта: вёска Войская Камянецкага раёна з яе курганамі

На сайце nn.by распавялі пра новае падарожжа Юрыя Жыгамонта.

Вёска Войская Камянецкага раёна Брэсцкай вобласці — месца ўтульнае і маляўнічае, здаўна ўпадабанае людзьмі.

У Войскай у сям’і святара нарадзіўся Плацыд Янкоўскі — адзін з найцікавейшых беларускіх літаратараў XIX стагоддзя, якога называлі "Вялікім Літвафілам".https://nn.by/?c=ar&i=214136

2018.08.10 0

Прайшла лекцыя "Гістарычнай школы" з Алегам Трусавым пра Лідскі замак

На апошнюю па Лідзе лекцыю "Гістарычнай школы" з Алегам Трусавым (на тэму "Ліда. Замак)", якая прайшла 9 жніўня ў офісе ТБМ, прыйшло нямнога людзей, усё ж спёка ўзяла сваё. Але дыскусіі ўсё адно адбыліся, прычым гарачыя, як і надвор'е. Акрамя лекцыі быў паказаны фільм Алеся Краўцэвіча (тэлеканал Белсат з серыі "Загадкі беларускай гісторыі") і фільм пра раскопкі Лідскага замка з удзелам Алега Трусавам.

Наступныя лекцыі будуць прысвечаны гісторыі  Наваградчыны і пройдуць 6 і 7 верасня з 17:30 да 19:00.

Адрас: офіс ТБМ (вул. Румянцава, 13). Уваход вольны.

2018.08.09 0

123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113 ...