Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Курсы Універсітэта імя Ніла Гілевіча

Запрашаем 7 верасня а 17-й (офіс ТБМ на вул. Румянцава, 13) на першае сумоўе з нагоды адкрыцця ў верасні падрыхтоўчых курсаў Універсітэта імя Ніла Гілевіча (больш інфармацыі па спасылцы). Мы адкажам на ўсе Вашыя пытанні і сфармуем першыя групы навучэнцаў.

Афіцыйнае адкрыццё курсаў пачнецца з майстар-класа, які правядзе знакаміты беларускі пісьменнік і гісторык Уладзімер Арлоў 24 верасня.

2018.09.05 0

БТ папрасіла "Беларусьфільм" дубляваць па-беларуску мультфільмы для "Калыханкі"

На петыцыю за "Калыханку" па-беларуску, якую падпісалі больш за паўтары тысячы чалавек, прыйшоў афіцыйны адказ "Белтэлерадыёкампаніі". Большая яго частка падобная да адпіскі, аднак апошні сказ абяцае невялічкія змены, перадае Радыё Свабода.

2018.09.05 0

Белкіналета пад адкрытым небам

У гэтую пятніцу, 6 верасня, з 21:00 будзе працягвацца чарговы сезон Белкіналета. Гэтым разам паказ адбудзецца не ў дворыку Нацыянальнага гістарычнага музея, а ў Пясочніцы (Куйбышава, 45), дзе можна будзе ўбачыць лепшыя работы незалежных беларускіх рэжысёраў. Уваход вольны, але арганізатары вітаюць, калі наведвальнікі прыносяць дыванкі, раскладанкі ці нешта, на чым можна сесці, легчы ці проста камфортна размясціцца.

Гэтым разам будзе паказана рэтраспектыва Дзяніса Галака, а пасля адбудзецца батл кінакрытыкаў.

http://filmfest.by

2018.09.04 0

"Беларускія ўікэнды" ў пяцёрцы лідараў мінскага кінапраката

За першыя дні праката, як распавялі на сайце budzma.by, нідэрландскі фільм "Мой сябар жырафа" ў беларускай агучцы сабраў у кінатэатрах сталіцы каля 3 тыс. гледачоў і ўвайшоў у ТОП-5 самых наведваемых фільмаў уікэнду. Фільм перакладзены і агучаны па-беларуску ў рамках праекта "Беларускія ўікэнды" кампаніяй "Кінаконг" пры падтрымцы velcom.

2018.09.04 0

Рок-фольк-опера ''Чарадзей'' (абноўлена)

Рок-опера "Чарадзей" у Тэатры эстрады, праект рок-гурта "У нескладовае" і студэнтаў Інстытута сучасных ведаў імя А. Шырокава, адбудзецца 27 кастрычніка а 19:00.

Квіткі можна набыць па спасылцы kvitki.by.

2018.09.04 0

Праграма Асамблеі НДА “Стажыроўка ў суседзяў”

Асамблея НДА дапаможа рэгіянальным актывістам і актывісткам у арганізацыі азнаямленчага візіта ў любую арганізацыю ў іншым горадзе/вобласці, каб паўдзельнічаць у мерапрыемствах і абмяняцца досведам.

  • Вам спадабалася чыясьці цікавая ідэя?

  • Зацікавіла імпрэза, якая праводзіцца ў суседнім горадзе, вобласці або ў арганізацыі падобнага профілю?

  • Вы натхніліся правесці падобную падзею ў сваёй мясцовасці, але перад гэтым хочаце атрымаць досвед?

Запаўняйце хутчэй заяўку або лістуйце на ngo@belngo.info.

 

2018.09.03 0

Дыскусія: "Курапаты: праблемы на шляху мемарыялізацыі"

Мастацкая суполка “Пагоня” Cаюза мастакоў Беларусі і грамадзянская ініцыятыва “Эксперты ў абарону Курапатаў” запрашаюць 5 верасня а 12.00 на адкрытае абмеркаванне вынікаў конкурса праектаў па мемарыялізацыі Курапатаў у Прэс-клубе (вул. Веры Харужай, 3-601). На жаль, конкурс не быў празрыстым: засталіся невядомымі прынцыпы адбору і шорт-ліст лепшых праектаў.
Падчас дыскусіі абмяркуюць: сітуацыю з афіцыйным конкурсам; мемарыялізацыю Курапатаў: 1989-2018; ахову Курапатаў ды іншых месцаў памяці ахвяраў рэпрэсіяў у Беларусі. Рэгістрацыя абавязковая.

2018.09.03 0

Фестываль вулічнай ежы VulitsaEzha (абноўлена)

Наступны фестываль вулічнай ежы VulitsaEzha пройдзе 1-2 верасня ў парку Дрымлэнд! Музычнымі хэдлайнерамі стануць Найк Барзоў і Shuma.

- 45+ удзельнікаў фуд-корта

- зона бараў

- Маркет мясцовай ежы 

- Кулінарныя батлы 

- Лекторый 

- SARAFAN-маркет 

- 2 музычныя сцэны 

- Дзіцячая зона “Мамслет” 
⠀ 
Кошт квіткоў: 5 рублёў - прадпродаж, 7 рублёў - на ўваходзе. Дзецям да 12 уваход бясплатны! Набыць квіткі: vulitsaezha.by

2018.08.31 0