Працуюць
76Структуры ТБМ працуюць ў 76 населеных пунктах Беларусі, а таксама ў Маскве, Іркуцку, Вільні, Пецярбурзе, Рызе.
навіны
Цяпер падтрымаць Універсітэт імя Ніла Гілевіча можна праз АРІП і iPay
Змяшчаем інструкцыю па аплаце ахвяраванняў праз сістэму разліку "Расчет" (АРІП) і iPay на дзейнасць Прыватнай установы адукацыі "Універсітэт імя Ніла Гілевіча".
2019.05.04 0
У офісе ТБМ прайшла Агульнанацыянальная дыктоўка
Сёння, 21 лютага, у офісе ТБМ прайшоў першы этап Агульнанацыянальнай дыктоўкі, прысвечаны Міжнароднаму дню роднай мовы. Дыктоўку пісалі і школьнікі, і пенсіянеры, і людзі рознага ўзросту. А чытала тэкст паводле Уладзімера Арлова былая настаўніца 50-й гімназіі г. Менска (цяпер на пенсіі) спн. Валянціна Драгун.
Памятнымі прызамі за ўдзел у штогадовай акцыі былі ўзнагароджаны некаторыя ўдзельнікі і спн. Валянціна Драгун.
2019.02.21 0
Старшыня ТБМ віншуе з Днём роднай мовы!
Паважаныя сябры! Віншую вас з Міжнародным днём роднай мовы. Родная мова спрыяе нам у жыцці, натхняе на ажыццяўленне розных спраў, дапамагае спраўляцца з нягодамі і цяжкасцямі, а часам, нібы матуля, ахінае нас цяплом, пяшчотай і не дае збочыць з правільнага шляху.
Вялікая падзяка ўсім, хто працуе з роднай мовай у сферы культуры, адукацыі, інфармацыі штодня.
Старшыня ТБМ
Алена Анісім
2019.02.21 0
Запрашаем на дванаццатую Агульнанацыянальную дыктоўку!
ТБМ запрашае ўсіх ахвотных прыняць удзел у дванаццатай Агульнанацыяналь
Узоры дыктовак можна знайсці ў газеце "Наша слова", а таксама на нашым партале. Каб далучыцца да штогадовай традыцыі ў любым горадзе, вёсцы, мястэчку, хутары, нават у вандроўцы, дастаткова сабраць аднадумцаў, выбраць адзін з прапанаваных намі тэкстаў і абраць таго, хто будзе дыктаваць яго 21 лютага. Далучайцеся!
2019.02.13 0
У Магілёве адбылася прэзентацыя "Гісторыі Расіі" і Універсітэта імя Ніла Гілевіча
У нядзелю, 10 лютага, у магілёўскім Цэнтры Кола адбылася сустрэча з рэктаратам Універсітэта імя Ніла Гілевіча, падчас якой прайшла прэзентацыя дзейнасці ўніверсітэта і адначасова прэзентацыя кнігі "Гісторыя Расіі". Акрамя в.а. рэктара Алега Трусава і прарэктара па навучальнай дзейнасці Паўла Церашковіча таксама выступала і старшыня ТБМ Алена Анісім.
Сустрэча была арганізаваная Магілёўскай арганізацыяй ТБМ і Цэнтрам Кола. Акрамя непасрэдна прэзентацый былі абмеркаваныя розныя актуальныя пытанні беларускай адукацыі, госці задавалі пытанні і выказвалі свае меркаванні адносна дзейнасці ўніверсітэта. Таксама на сустрэчы выступіў бард Васіль Аўраменка, які выканаў беларускамоўныя версіі вядомых рускамоўных песень.
2019.02.10 4
Алег Трусаў успамінае Анатоля Грыцкевіча ў артыкуле "Вучоны-энцыклапедыст"
Прапануем артыкул Алега Трусава, які апісвае жыццёвы шлях знакамітага беларускага гісторыка Анатоля Грыцкевіча, якому 31 студзеня 2019 г. споўнілася б 90 гадоў. Шкада, што сп. Анатоль не дажыў да гэтага юбілею. Але памяць пра яго жыве і да гэтага часу.
2019.01.30 0
Асамблея НДА Беларусі ўзнагародзіла Універсітэт імя Ніла Гілевіча ў намінацыі "Новая ініцыятыва"
У гэтым месяцы, 10 студзеня, у прасторы “Корпус” былі названыя пераможцы прэміі “Чэмпіёны грамадзянскай супольнасці – 2018”. У шорт-лісце было 57 намінантаў, а ў журы – 112 грамадскіх лідараў, экспертаў і журналістаў з усёй Беларусі.
У намінацыі "Новая ініцыятыва" ўзнагароду атрымаў Універсітэт імя Ніла Гілевіча. Зарэгістраваны ў якасці ўстановы ў сакавіку 2018. Заснаваны ТБМ, каб выправіць ганебную сітуацыю з немагчымасцю атрымаць вышэйшую адукацыю на беларускай мове.
2019.01.25 0
У Мінску распачынае дзейнасць #ДзіцячыКлюб — развівальна-забаўляльныя заняткі па-беларуску!
У Мінску распачынае дзейнасць #ДзіцячыКлюб. Гэта серыя развівальна-забаўляльных заняткаў для дзетак, а таксама спектаклі, святы і цікавыя госці.
Заняткі праходзяць на беларускай мове ў інтэрактыўнай форме з гульнямі, творчымі і тэатральнымі майстар-класамі, навуковымі і гістарычнымі даследаваннямі.
Перыядычна на заняткі будуць завітваць беларускія музыкі, паэты і іншыя зоркі.
Рэкамендаваны ўзрост: 3 – 12 гадоў.
Перыядычнасць заняткаў: раз на тыдзень.
Працягласць занятку: 2 гадзіны.
Месца правядзення: кафэ “Грай” (Інтэрнацыянальная, 33).
Кошт і расклад заняткаў тут.
2019.01.24 0
Казка пра дэкларацыю правоў чалавека
Усеагульнай дэкларацыі правоў чалавека 70 гадоў. Пра тое, як яна працуе і ці працуе, ведаюць нямногія. Група энтузіястаў пад кіраўніцтвам Праваабарончага цэнтра "Вясна" разабрала Дэкларацыю на эльфах, а таксама праверыла яе актуальнасць у 2018 годзе. Каб усім дарослым было больш зразумела, разбор прыняў форму казкі. Прачытаць яе можна тут.
Час чытання - 20 хвілін. Казка праілюстраваная і мае беларускамоўную і рускамоўную версіі, а для зручнасці ёсць падзел на раздзелы, сярод якіх "Паходжанне правоў", "Дэкларацыя. Інструкцыі да карыстання", "Як выжыць у гэтай казцы" і іншыя.
2019.01.23 1
Атрыманы адказ на петыцыю на petitions.by "Беларускую мову на шырокія экраны!" (абноўлена)
У мінулым месяцы ў Міністэрства культуры і "Кінавідэапракат" была дасланая петыцыя "Беларускую мову на шырокія экраны!"
Яна тычылася таго, што ў Беларусі няма фільмаў, якія прафесійна агучваюцца і дублююцца па-беларуску. Канешне, існуюць аматарскія праекты па агучцы, але яны займаюцца пераважана фільмамі мінулых гадоў, бо з фінансавых прычын не могуць дазволіць сабе прэм'ерныя стужкі. Беларусь фактычна засталася адзінай краінай Еўропы, дзе фільмы ідуць з дубляжом і агучваннем не на роднай мове. Краіна губляе не толькі свой твар, але і сотні працоўных месцаў – перакладчыкаў, акцёраў, тэхнічных спецыялістаў, а таксама аддае ўласны рынак і грошы расійскім дыстрыб’ютарам. Беларусы просяць распрацаваць дзяржаўную праграму па пашырэнні беларускай мовы ў дубляжы кіна- і мультфільмаў.
На 31 снежня 2018 г. ініцыятыву падтрымала 900 чалавек. Нядаўна быў атрыманы адказ.
2019.01.21 0