Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Конкурс "За кадрам: ад гісторыі сям'і да гісторыі супольнасці"

Прадстаўніцтва DVV International у Беларусі запрашае на афіцыйную прэзентацыю конкурса, якая пройдзе 19 верасня ў Цэнтральнай бібліятэцы імя Янкі Купалы (Менск, вул. В. Харужай, 16). Пачатак а 16:00. Неабходна зарэгістравацца.

Конкурс “"За кадрам: ад гісторыі сям'і да гісторыі супольнасці" накіраваны на вывучэнне “жывой” гісторыі Беларусі другой паловы XX стагоддзя праз даследаванне сямейных і лакальных фотаархіваў і ўспамінаў відавочцаў. Конкурс для людзей ва ўзросце ад 15 да 25 гадоў. Больш пра ўмовы тут.

2019.09.16 0

Шведскае пасольства правядзе дабрачынны гаражны распродаж

Пасольства Швецыі ў Рэспубліцы Беларусь супольна з праектам “KaliLaska”, Беларускай палатай моды і Зялёнай сеткай арганізуе дабрачынны распродаж рэчаў ва ўнутраным дворыку Пасольства. Распродаж адбудзецца 21 верасня 2019 года а 12:00-19:00. Свае рэчы на продаж выставяць і прадстаўнікі дыпламатычных місій у Беларусі.

2019.09.16 0

Вечарына танцаў з капэлай "На Таку" ў Магілёве

У нядзелю, 22 верасня, у Магілёве пройдзе вечарына народных танцаў з капэлай "На Таку" + майстар-клас ад Юліі Літвінавай і Цімоха Акудовіча.

Дзень і час: 22 верасня (нядзеля) 18.00-21.00.

Месца: Цэнтр “Кола” (Магілёў, зав. Чкалава, 16 - ля Палаца піянераў на Дубравенцы).

Уваход вольны! Free donation (шапка).

2019.09.16 0

Адкрыта рэгістрацыя на трэці EdCamp Belarus (абноўлена)

Увосень, 12-13 кастрычніка, у Мінску у стартап-хабе Imaguru пройдзе (не)канферэнцыя для школьных настаўнікаў EdCamp Belarus 2019. У гэтым годзе канференцыя збярэ звыш 200 удзельнікаў. Цікавыя спікеры, новыя веды, лепшыя практыкі і неверагоднае натхненне - ўсё гэта EdCamp Belarus.

Зарэгістравацца на (не)канферэнцыю можна па спасылцы. Рэгістрацыя да 22 верасня.

2019.09.16 0

Запрашаем на наступныя лекцыі ў межах "Гістарычнай школы" з Алегам Трусавым (абноўлена)

Наступныя сустрэчы з археолагам, гісторыкам беларускай архітэктуры, кандыдатам гістарычных навук Алегам Трусавым адбудуцца ў сераду, 18 верасня, і пятніцу, 20 верасня, з 18:20. Тэмы сустрэчаў "Сядзіба Альбертын у Слоніме. Леў Сапега" і "Зэльва. Ларыса Геніюш".

У межах "Гістарычнай школы" штомесяц праводзіцца па 2 лекцыі, у якіх сп. Трусаў распавядае пра гісторыю розных гарадоў Беларусі. У гэтым сезоне гаворка ідзе пра Мір, Слонім, Валожын, Мсціслаў, Зэльву і мястэчка Івянец. Вось спасылкі на мінулыя сустрэчы пра Мсціслаў, Слонім.

Чакаем у офісе ТБМ (вул. Румянцава, 13) ў сераду, 18 верасня, і пятніцу, 20 верасня, з 18:20. Уваход вольны.

2019.09.16 0

Старэйшы айчынны рок-гурт "Крама" рыхтуе да выхаду новы альбом

На сайце Радыё Рацыя паведамляюць пра тое, што "Белая вада", апошні альбом калектыва, пабачыў свет роўна 5 год таму. Шмат чаго адбылося за гэтыя часы, і ў выніку бясконцых эксперыментаў ды пошукаў гурт Ігара Варашкевіча прыйшоў да запісу новага матэрыялу. Рэліз пад працоўнай назвай "Зацменны блюз", у які ўвойдзе 10 трэкаў, стане 9-ым альбомам у дыскаграфіі "Крамы".

2019.09.12 0

Да гісторыі Таварыства беларускай мовы

Сёлета Таварыства беларускай мовы імя Ф. Скарыны адзначае сваё 30-годдзе. Мы ўзгадваем і тое, як адзначаліся былыя юбілеі арганізацыі. Так, у 2004 г. ТБМ падрыхтавала канверт да свайго 15-годдзя. А на 3 гады раней, у 2001 г., Белпошта надрукавала марку з гербам Францыска Скарыны па ініцыятыве ТБМ. Вось так выглядаюць канверт і марка.

2019.09.12 0

"Новы час" пра канферэнцыю ТБМ "Нашы вякі — наша багацце"

Навукова-практычная канферэнцыя Таварыства беларускай мовы "Нашы вякі — наша багацце", што адбылася ў пятніцу, 6 верасня, у гатэлі "Манастырскі" ў Мінску, сабрала вялізны пул зацікаўленых: ад шматлікіх навукоўцаў — архітэктараў, філосафаў, юрыстаў і гісторыкаў — да супрацоўнікаў НДА і двух міністэрстваў.

2019.09.12 0

Знайдзі падтрымку сваёй ідэі на Idea Generation Camp

Выйграй падтрымку сваёй ідэі на Idea Generation Camp 28-29 верасня.

Idea Generation Camp — гэта конкурс. Па выніку 2 дзён журы абярэ 10 годных праектаў (ідэяў), якія атрымаюць падтрымку і будуць рэалізаваныя ў найбліжэйшы час.

ПАДАЦЬ ЗАЯЎКУhttps://igcamp.by/#registration

Якая тэма мерапрыемства: Idea Generation Camp — гэта пра ўсё, што звязана з экалогіяй, культурай, гарадскім развіццём, адукацыяй, правамі чалавека, актывізмам і г.д.

Idea Generation Camp — гэта некамерцыйнае мерапрыемства. Колькасць удзельнікаў: 120 чалавек. Удзел БЯСПЛАТНЫ. Даезд самастойны. 

Падача заявак да 19 верасня.

Падрабязная інфармацыя: igcamp.by

2019.09.11 0

Трэнінг ад Асамблеі НДА "Дзе ў Беларусі грошы і як іх атрымаць"

Калі вы грамадзкі актывіст / актывістка і маеце ідэі, але ня ведаеце, дзе знайсьці сродкі для іх рэалізацыі, то вам трэба паўдзельнічаць у трэнінгу, які ладзіць Асамблея НДА. Дасьведчаныя экспэрты і экспэрткі распавядуць вам, дзе ў Беларусі грошы і як іх атрымаць.

Будзе чатыры аднадзённыя трэнінгі: 21 верасьня, 12 і 26 кастрычніка, 30 лістапада. Падаць заяўку.

Мэта трэнінгу: разьвіцьцё практычных навыкаў грамадзкіх лідэраў і лідэрак па прыцягненьні ўнутраных рэсурсаў для фінансаваньня дзейнасьці іх арганізацыяў ды ініцыятываў.

Арганізатары забясьпечаць харчаваньне, кампэнсуюць выдаткі на праезд. Час: з 11:00 да 19:00. Запоўніць анкету на ўдзел у трэнінгу. Месца будзе паведамлена адабраным удзельнікам.

Апошні тэрмін падачы заявак на трэнінг 21 верасьня: 16 верасьня. Пра вынікі адбору на першы трэнінг будзе паведамлена 17 верасьня.

Крыніца: Асамблея НДА

2019.09.11 0