Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Наша ніва: Упершыню з’явілася насценная палітычная карта свету па-беларуску

2019.08.06 0

 Так выглядае карта па-беларуску. Фота facebook.com

Палітычную карту свету па замове "Белкартаграфіі" распрацаваў сацыяльна-візуальны дызайнер Саша Чабатароў, як паведамляе nn.by.

Дызайнер Саша Чабатароў распавёў "Нашай Ніве", што да яго звярнулася Валянціна Андрэева са студыі imago.by і прапанавала распрацаваць беларускамоўную карту.

Усе геаграфічныя назвы рэдактавалі і перакладалі ў Белкартаграфіі. Задача ж Чабатарова была распрацаваць дызайн.

"Я распрацаваў канцэпт-дызайн, які перасякаецца з іншымі маімі праектамі. Ідэя заключаецца ў тым, што для свету не павінны быць важнымі межы і адрозненні. Усе павінны аб'ядноўвацца, сябраваць дзеля планеты і міру (захоўваючы свае нацыянальныя асаблівасці). Блакітны колер — гэта колер нашай валошкі, колер які бачаць усе людзі, колер планеты, колер нейтралітэту, колер міру і колер гэтага стагоддзя", — расказвае Саша Чабатароў.

Насценную палітычную карту можна будзе набыць у кнігарнях.

НТ


← вярнуцца ў навіны