Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Новы спектакль "Жоўты пясочак" у Магілёве

2018.09.13 0

Спектакль Магілёўскага абласнога драматычнага тэатра "Жоўты пясочак". Плач для шасці галасоў у 1-й дзеі паводле апавядання Васіля Быкава. Рэжысёр-пастаноўшчык – Каміля Хусаінава. Мастак-пастаноўшчык – Ганна Палякова. Прэм’ера – 14,15 і 16 верасня 2018 г. Узроставае абмежаванне: 16+

Васіль Быкаў збольшага вядомы нам як аўтар франтавой прозы, але пісаў ён і пра жахі калектывізацыі, раскулачвання, сталінскіх рэпрэсій. Гэтым тэмам прысвечана апавяданне “Жоўты пясочак”, да якога звярнулася маладая рэжысёрка Каміля Хусаінава, студэнтка Расійскага дзяржаўнага інстытута сцэнічных мастацтваў (Санкт-Пецярбург). Разам з артыстамі Магілёўскага драматычнага тэатра яна стварыла эскіз спектакля ў рамках Майстэрні маладой рэжысуры Міжнароднага маладзёжнага тэатральнага форуму “М.@rt.кантакт”. Праца атрымала працяг у выглядзе паўнавартаснага спектакля на малой сцэне Магілёўскага драматычнага тэатра.
Дзея адбываецца ў Беларусі ў 30-я гады, у разгар рэпрэсій. Героі – вельмі розныя людзі: партыец-бальшавік з рабочых, селянін, паэт, крымінальнік, былы белагрвардзеец, чэкіст. Іх вязуць на машыне ад турмы НКУС у хваёвы лясочак, каб там растраляць. Ці пашчасціць смяротнікам уратавацца, ці будуць яны супраціўляцца сістэме або пакорліва пойдуць на ўбой?
Трагедыя, расказаная Васілём Быкавым, – прыклад з тысяч, мільёнаў падобных крывавых гісторый. Што стала іх прычынай, як выправіць памылкі мінулага і не дапусціць паўтарэння катастрофы? Нехта запытаецца: навошта варушыць старое? Усё проста: каб “людзьмі звацца”.

Ролі выконваюць: лаўрэат Нацыянальнай тэатральнай прэміі Іван Трус, Павел Зароўскі, Андэй Корзан, Чэслаў Вількін, Аляксандр Куляшоў, Данііл Самкнулаў, Максім Чарнюк, Ірына Дунчанка, Настасся Іваненка, Юлія Ладзік

Спектакль ідзе на беларускай мове.

Білеты - у касе тэатра, на сайце kinoteatr.megamag.by і ў распаўсюднікаў. Кошт: 7 руб. 50 кап. і 6 руб. 50 кап.
Білеты анлайн: http://kinoteatr.megamag.by/newsdesk_info.php?newsdes.
Даведкі і заказ білетаў па тэл.: 8 (0222) 65-50-53; (+37529)131-25-48 Velcom; (+37529) 241-43-86 МТС
Каса тэатра: 8 (0222) 65-66-04

 

http://www.mdrama.by/
 


← вярнуцца ў навіны