Дзякуючы намаганням грамадскасці, у тым ліку Таварыства беларускай мовы, РУП "Белпошта" выдала канверт у гонар славутага гісторыка і этнографа Мітрафана Доўнара-Запольскага.

Мітрафан Доўнар-Запольскі (1867-1934 гг.) - гісторык, этнограф, фалькларыст, заснавальнік беларускай нацыянальнай гістарыяграфіі, прафесар Беларускага, Кіеўскага, Маскоўскага і Харкаўскага ўніверсітэтаў.

У сваіх працах (больш за 200 усяго) ён падкрэсліваў існаванне беларускай нацыі з уласнай мовай і гісторыяй, выразнымі этнаграфічнымі рысамі, багатай народнай культурай.