Некалькі тыдняў таму ТБМ дасылала ліст Старшыні Палаты прадстаўнікоў Нацыянальнага сходу Рэспублікі Беларусь з прапановай павялічыць гадавыя выдаткі на культуру ў 2017 годзе. Днямі мы атрымалі адказ на нашу прапанову.

20 верасня 2016 г.  №  67

Сп. У.П. Андрэйчанку,

Старшыні Палаты прадстаўнікоў

Нацыянальнага сходу Рэспублікі Беларусь

220010, г. Мінск,

пл. Незалежнасці, Дом Ураду

Аб разглядзе бюджэта на 2017 г.

 Шаноўны Уладзімір Паўлавіч!

У сувязі з тым, што дзейныя дэпутаты Палаты прадстаўнікоў Нацыянальнага сходу Рэспублікі Беларусь пятага склікання павінны разгледзець і зацвердзіць бюджэт на наступны год, звяртаемся з наступнай прапановай:

закласці на 2017 год выдаткі на культуру ў памеры не менш за 2% ад агульнага памеру бюджэта. Гэта дазволіць вырашыць пытанне з падвышэннем заработнай платы работнікаў культуры, якая значна ніжэйшая, чым у медыкаў і настаўнікаў, закрыць праблемы фінансавага забеспячэння матэрыяльна-тэхнічнай базы устаноў культуры, скончыць рэстаўрацыю Лідскага замка і прадоўжыць рэстаўрацыю Быхаўскага замка. Гэта будзе годным завяршэннем абвешчанага ў нашай краіне Года культуры.

Неабходныя сродкі можна атрымаць пры падвышэнні акцызаў на продаж алкагольных вырабаў і тытуню.

З павагай,

Старшыня ТБМ                                                                               Алег Трусаў