Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Запрашаем да ўдзелу ў нашай парламенцкай кампаніі!

2016.05.19 3

 Выява з сайта novychas.by.

Паважаныя сябры і прыхільнікі роднага беларускага слова, у адпаведнасці з рашэннем Рады ТБМ старшыня арганізацыі Алег Трусаў і першы намеснік старшыні Алена Анісім будуць удзельнічаць у сёлетніх выбарах з мэтай папулярызацыі беларушчыны.

Дзеля паспяховага правядзення кампаніі, ўся работа якой будзе праводзіцца па-беларуску, запрашаем усіх ахвочых прыняць у ёй удзел. Мы запрашаем валанцёраў у ініцыятыўную групу па зборы подпісаў для рэгістрацыі ў якасці кандыдатаў у дэпутаты А. Трусава і А. Анісім, а таксама запрашаем назіральнікаў на выбарах і тых, хто хоча ўвайсці ў мясцовыя ўчастковыя камісіі ад імя ТБМ.

А. Трусаў збіраецца вылучацца ў г. Мінску, таму запрашае пераважна мінчукоў ад 18 гадоў. А. Анісім вылучаецца на сваёй радзіме (Стаўбцоўскі раён), таму запрашае тых, хто жыве ці паходзіць са Стаўбцоў і Стаўбцоўскага раёна.

Тым, хто хоча далучыцца, неабходна запоўніць заяву (узор заявы далучаны ніжэй) і даслаць яе ў электронным выглядзе на адрас siadziba@gmail.com ці ў канверце на адрас г. Мінск, 220034, п/с 41.

 

Каментары

Госць 2016-05-23 13:31:13

Што такое "стаўбцоўская раён"?

Госць 2016-05-23 17:18:48

Адказ Госцю 2016-05-23 13:31:13 Дзякуй за заўвагу! Выправілі!

Госць 2016-05-23 20:22:38

Галасаваць можна толькі за мову


← вярнуцца ў навіны