Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Юры Жыгамонт сышоў з ТВ, аднак “Падарожжы дылетанта” працягнуцца

2016.04.13 0

  Выява мае ілюстрацыйны характар.

Папулярная перадача Юрыя Жыгамонта зь 15-гадовай гісторыяй “Падарожжы дылетанта” ўсё ж спыніла выхад на тэлеканале СТБ, нягледзячы на леташнюю хвалю глядацкага абурэньня. Сам аўтар тлумачыць такую сытуацыю складаным эканамічным становішчам у краіне – у канала папросту не знайшлося грошай, каб аплочваць далейшы выхад праграмы. Таму ад сёньня пачынае працу адмыслова створаны сайт zhygamont.by. На ім ужо выкладзены першы выпуск з новае сэрыі “Падарожжаў дылетанта” – перадача, прысьвечаная вёсцы Тракелі, што на Гарадзеншчыне. Новыя выпускі будуць зьяўляцца на сайце штотыдзень, як і раней на тэлевізіі.

“Нічога ня зьменіцца. Праграма так і будзе доўжыцца 26 хв. Застаецца тая ж музычная застаўка ад “Старога Ольсы” ды назоў “Падарожжы дылетанта”. Ужо адзьнялі 4 новыя выпускі. Будзем выкладаць і старыя запісы. А некаторыя нават будзем пераздымаць. Бо, калі передача выходзіла на БТ, то не заўсёды можна было паказаць альбо распавесьці ўсё, што хацелася”, - прызнаецца Юры Жыгамонт. – “У Беларусі па-ранейшаму шмат мясьцінаў, якія я яшчэ не наведаў. У пэрспэктыве мы з маёй камандай маглі б сабраць гэткую відэа-энцыкляпэдыю беларускіх вёсак”.

Перадача “Падарожжы дылетанта” пачала выходзіць у 2001 г. спачатку на тэлеканале БТ, а потым на СТБ. За гэты нас выйшла некалькі соцень выпускаў. Кожны распавядае пра канкрэтную беларускую вёску ці мястэчка. Здымкі традыцыйна адбываюцца на тым мейсцы, пра якое ідзе расповед. У 2012 г. аўтар й вядоўца праграмы Юры Жыгамонт быў узнагароджаны нагрудным знакам Мінкульту «За ўклад у развіцьцё культуры Беларусі».

Стась Дадэрка, Беларускае Радыё Рацыя

 


← вярнуцца ў навіны