Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Новая паштовая прадукцыя (абноўлена)

Нядаўна РУП "Белпошта" выдала новыя канверты, прымеркаваныя да Калядаў і Новага года, і маркі, прысвечаныя 135-годдзю з дня нараджэння Якуба Коласа і 1025-годдзю Полацкай епархіі.

Таксама былі выдадзеныя маркі, прысвечаныя 2017 - Году навукі ў Беларусі, 25-годдзю ўсталявання дыпламатычных адносін паміж Рэспублікай Беларусь і Рэспублікай Малдова, 25-годдзю ўсталявання дыпламатычных адносін паміж Рэспублікай Беларусь і Усходняй Рэспублікай Уругвай і 25-годдзю ўсталявання дыпламатычных адносін паміж Рэспублікай Беларусь і Румыніяй.

2017.11.20 0

Конкурс для творчых і крэатыўных ад моладзі Руху «За Свабоду» да 100-годдзя БНР

Моладзь Руху «За Свабоду» абвяшчае творчы конкурс на самую крэатыўную працу з нагоды 100-годдзя абвяшчэння Беларускай Народнай Рэспублікі. 

Арганізатары прапануюць удзельнікам падзяліцца сваім бачаннем Беларусі ды напісаць эсэй ці верш, стварыць кліп, фота, альбо любы іншы твор на тэму «Беларусь – гэта...». 

Аўтары лепшых прац у кожнай катэгорыі будуць узнагароджаны спецыяльным сертыфікатам і каштоўнымі падарункамі. Найбольш цікавыя працы будуць апублікаваны арганізатарамі ў медыя. 

Для ўдзелу ў конкурсе трэба даслаць сваю працу да 25 студзеня 2018 года на мэйл MoladzRZS@gmail.com з пазнакай тэмы «Беларусь – гэта...».

2017.11.20 0

Лісты ТБМ уладам з прапановамі аб ушанаванні памяці Адама Кіркора і Казіміра Семяновіча

Днямі ТБМ даслала лісты ў Адміністрацыю Прэзідэнта і Міністэрства культуры з прапановамі аб ушанаванні памяці Адама Кіркора і Казіміра Семяновіча, а таксама аб размяшчэнні інфармацыі на дзяржаўнай беларускай мове ў экспазіцыі Косаўскага палаца. Азнаёміцца з лістамі можна далей.

2017.11.18 0

Адказ уладаў на прапанову ТБМ ушанаваць памяць Алеся Белакоза

Нядаўна ТБМ атрымала адказ ад Мастоўскага райвыканкама на прапановы аб ушанаванні памяці Алеся Белакоза, вядомага беларускага краязнаўцы і настаўніка. Прапанова надаць Гудзевіцкаму музею імя Алеся Белакоза, заснавальнікам і дырэктарам якога ён з'яўляўся, была палічана райвыканкамам немэтазгоднай. Цалкам ліставанне далей.

2017.11.13 0

Запрашаем да ўдзелу ў Міжнароднай канферэнцыі "Нацыянальны ўніверсітэт у 21-ым стагоддзі: місія і выклікі"

Таварыства беларускай мовы імя Ф. Скарыны і Аргкамітэт Універсітэта "Альбарутэнія"запрашаюць да ўдзелу ў Міжнароднай канферэнцыі "Нацыянальны ўніверсітэт у 21-ым стагоддзі: місія і выклікі"

Канферэнцыя адбудзецца 25 - 26 лістапада 2017 года ў Мінску. Пачатак рэгістрацыі ўдзельнікаў: 9.00, 25 лістапада 2017 года. Месца правядзення:  Гатэль "Crowne Plaza", вул. Кірава, 13.

Заяўкі для ўдзелу ў канферэнцыі прымаюцца да 18 лістапада 2017 г. па электронным адрасе: siadziba@gmail.com  (з пазнакай: канферэнцыя).

 

2017.11.04 3

Павераны ў справах ЗША ў Беларусі Роберт Райлі павіншаваў спн. Алену Анісім з абраннем на пасаду старшыні ТБМ

Павераны ў справах ЗША ў Беларусі Роберт Райлі прывітаў дэлегатаў ХІІІ з'езда ТБМ і павіншаваў спн. Алену Анісім з абраннем на пасаду старшыні ТБМ. Далей можна цалкам прачытаць лісты з віншаваннямі.

2017.11.04 0