Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Памёр літаратуразнаўца і пісьменнік Пятро Васючэнка. Спачуванні сваякам і блізкім

Ва ўзросце 60 гадоў памёр Пятро Васючэнка, беларускі літаратуразнаўца, крытык, празаік, драматург, эсэіст, казачнік, аўтар фэнтэзі, актыўны сябра Таварыства беларускай мовы і кіраўнік суполкі ТБМ у Мінскім дзяржаўным лінгвістычным універсітэце. Сябры ТБМ выказваюць шчырыя спачуванні яго родным і блізкім.

2019.08.25 0

Часопіс Arche шукае рэдактарку/рэдактара сайта

У сувязі з запускам новага інтэрнэт-праекту (грамадска-палітычны кірунак) часопіс Arche шукае на сталую працу рэдактара сайта (поўная занятасць). 

Прадугледжваецца праца ў рэдакцыйным памяшканні (раён ст. метро "Трактарны завод").

Рэзюмэ высылаць да 30 жніўня на адрас:

dastauka@arche.by 

Пры апісанні журналісцкай працы спасылкі на публікацыі абавязковыя. 

Кантактны тэлефон: (29) 550-79-69 (МТС).

2019.08.23 0

Ракаўскі фэст 2019 у гэтую нядзелю

У нядзелю, 25 жніўня, з 12:00 да 22:00 у Ракаве, у 30 км. на захад ад Мінска, вось ужо ў чацвёрты раз пройдзе міжнародны фестываль культур “Ракаўскі фэст.

У праграме фестывалю: работа тэматычных лакацый ("Fashion-style па-беларуску", "Эка-двор", дзіцячая пляцоўка, літаратурны падворак "Чытаем вершы беларускіх паэтаў разам", інтэрактыўная пляцоўка "Карагод" (танчым і спяваем разам), "Кулінарны батл", мастацкі пленэр і іншыя), выступленні творчых калектываў і выканаўцаў з Польшчы і Беларусі, а таксама гасцей фестывалю з Літвы і Аўстрыі, прэзентацыя польскай, беларускай, яўрэйскай і літоўскай культур, выставы, кірмаш “Горад майстроў”, бясплатныя экскурсіі па Ракаву і квэст “Сцежкамі кантрабандыстаў”, які дазволіць акунуцца ў атмасферу Ракава 1930-х гадоў і ў поўнай меры адчуць на сабе небяспеку і рамантызм іх жыцця. Кожны зможа паспрабаваць стравы нацыянальнай кухні краін, прадстаўленых на фестывалі.

Хэдлайнеры фестывалю – гурт “Volski” (Беларусь) і “Tekla Klebetnica” (Польшча).

2019.08.23 0

У Слоніме ўстанавілі помнік Льву Сапегу

У чацвер, 22 жніўня, у Слоніме на плошчы Леніна ўстанавілі помнік канцлеру Вялікага Княства Літоўскага, былому слонімскаму старасту Льву Сапегу. Помнік вельмі шыкоўна ўпісаўся ў скверык і ўпрыгожыў старажытны горад. Урачыстае адкрыццё адбудзецца 1 верасня на Дзень беларускага пісьменства і друку.

2019.08.23 0

Symbal.by Fest з нагоды пяцігоддзя крамы ўжо заўтра! (абноўлена)

У гэтую пятніцу, 23 жніўняsymbal.by запрашае на SYMBAL.BY FEST разам адсвяткаваць пяцігоддзе крамы. Свята пройдзе ў папулярнай мінскай прасторы "Пясочніца" (вул. Куйбышава, 45).

У праграме:
— выступы вядомых беларускамоўных гуртоў, сярод якіх Akute, :B:N:, Лепшы квас і інш.
— прэзентацыя новай калекцыі цішотак,
— конкурсы, забавы, падарункі, фотазоны,
— фуд-корт "Пясочніцы" з півам і смачнай вулічнай ежай.

Вядучы свята — Аляксей Сапрыкін. Пачатак а 18.00. Уваход вольны.

2019.08.22 0

Мышкін Fest. Вялікі канцэрт памяці Леаніда Нарушэвіча ў гэтую суботу

У суботу, 24 жніўня, у межах фестывалю ДАХ у арт-прасторы OK16 будуць згадваць Леаніда Нарушэвіча. Унікальны беларускі гітарыст-імправізатар, гукарэжысёр, стваральнік групы "Князь Мышкін" і фестывалю "Сіні Перац" памёр сёлета 19 чэрвеня.

На імпрэзу з'едуцца калегі Леаніда розных гадоў і з розных гарадоў: Андрэй Іваноў (Zartipo), перкусіяністы Уладзімір Краўчанка і Юры Паўлоўскі ("Этна-трыё Троіца"), Андрэй Васільеў, Фрыдрых Самотны (Masque Noir), Віктар Сямашка ды інш. Да імпрэзы далучацца ўдзельнікі супольных з Нарушэвічам праектаў: фольк-спевакі Сяржук Доўгушаў ды Ірэна Катвіцкая, мастак Тодар Кашкурэвіч, паэты Віктар Жыбуль і Вера Бурлак, бард Раман Яраш, гурты "Ліцьвіны" і Sinie Gory.

Пачатак а 17:00. Уваход вольны.

2019.08.21 0

Да свайго 30-годдзя Таварыства беларускай мовы выпусціла адмысловыя паштоўкі, асадкі і магніцікі

Грамадскае аб'яднанне "Таварыства беларускай мовы імя Ф. Скарыны" святкуе юбілей, 27 чэрвеня 2019 г. нам споўнілася 30 гадоў! З гэтай нагоды ТБМ ладзіць шэраг мерапрыемстваў і ініцыятыў.

Так, за ліпень адбылася творчая сустрэча з паэтам Эдуардам Акуліным і прэзентацыя 20-га нумара часопіса "Верасень", якому ўжо 10 гадоў, прайшла літаратурная сустрэча з пісьменніцай, педагогам Ганнай Севярынец, адбылася экскурсія да 200-годдзя кампазітара Станіслава Манюшкі.

Таксама з нагоды 30-годдзя мы выпусцілі адмысловыя паштоўкі, асадкі і магніцікі з сімволікай ТБМ.

2019.08.21 0

Фестываль фольк-музыкі "Раёк". Збор сродкаў (абноўлена)

Увосень, 14-15 верасня, у Менску адбудзецца фестываль фольк-музыкі "Раёк". Пройдзе ён у дворыку Гістарычнага музея па вуліцы Карла Маркса.

На дадзены момант ідзе збор грошай на арганізацыю фестывалю, прычым людзі, якія ахвяруюць на гэта грошы, маюць шанец атрымаць не толькі квіткі на фестываль "Раёк", але і ўнікальнае выданне спеваў і іншыя падарункі. Падтрымаць фестываль можна на ulej.by.

2019.08.21 0