Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

“Простыя словы”. Кніга пра Міхала Анемпадыстава. Збор сродкаў

Тэксты кнігі “Простыя словы” створаны праз некалькі месяцаў пасля смерці Міхала Анемпадыстава. Пра яго пішуць блізкія, знаёмыя і незнаёмцы, ствараючы своеасаблівую “мапу” выкшталцоных ценяў выбітнага дызайнера, мастака і паэта.

На краўдплатформе Ulej.by збіраюць сродкі на выданне кнігі пра Міхала Анемпадыстава, самы танны лот - 25 рублёў (сама кніга і падзяка ў фэйсбуку), астатнія лоты глядзіце на старонцы праекта.

 

2020-02-24 0

Навінкі беларускай пошты

Белпошта выпусціла адметную марку да 100-годдзя з дня нараджэння вядомага беларускага драматурга Андрэя Макаёнка і правяла спецгашэнне маркі на адпаведным канверце Першага дня.

Таксама цікавы канверт выйшаў да 100-годдзя мастацкага аб'яднання "Уновис", у склад якога ўваходзілі Казімір Малевіч, Мікалай Суецін і многія іншыя вядомыя мастакі.

Памятае беларуская пошта і пра жанчын. Да 8 сакавіка выпушчана нямала прыгожых паштовак, аформленых па-беларуску. Віншуйце жанчын на роднай мове!

2020-02-23 0

Заява Сакратарыята ТБМ з нагоды Міжнароднага дня роднай мовы

21 лютага міжнародная супольнасць штогод адзначае дзень Роднай мовы. Мы звяртаемся да ўсіх грамадзян Беларусі, а таксама прыхільнікаў Беларушчыны за мяжой з просьбай  выказаць у гэты дзень сваю падтрымку жывому беларускаму слову.

2020-02-22 0

Беларуская мова ў каталіцкім касцёле

Алег Трусаў, Ганаровы старшыня Таварыства беларускай мовы, напісаў водгук на кнігу беларускага рыма-каталіцкага святара, рэлігійнага дзеяча, тэолага, перакладчыка і публіцыста Уладзіслава Завальнюка "Да Бога - на роднай мове". Падаём тэкст водгуку.

 

2020-01-14 0

ТБМ віншуе ўсіх з Калядамі, Новым годам і з Раством!

Таварыства беларускай мовы шчыра віншуе ўсіх з цудоўнымі зімовымі святамі і выказвае падзяку за віншаванні, ахвяраванні і падтрымку. З узаемапавагай, аптымізмам, надзейнымі сябрамі, роднай мовай і святлом у душы стварайма лепшую Беларусь! Віншуем з Новым 2020-м годам!

2019-12-30 0

ТБМ у Лічбах
6000

Арганізацыя мае ў сваіх шэрагах каля 6 тысяч актыўных сяброў.

ТБМ у дзеянні

Часопісу "Верасень" 10 год, Таварыству беларускай мовы - 30!

Учора, 1 ліпеня, у менскім офісе ТБМ адбылася літаратурная сустрэча з паэтам, бардам, галоўным рэдактарам часопіса "Верасень" сп. Эдуардам Акуліным. Сустрэча была прымеркаваная да дзесяцігоддзя літаратурна-мастацкага часопіса “Верасень”, дваццаты нумар якога выйшаў зусім нядаўна.

На мерапрыемства трапіла некалькі дзясяткаў чалавек, адкрывалі сустрэчу старшыня ТБМ спн. Алена Анісім і Ганаровы старшыня арганізацыі сп. Алег Трусаў. Акрамя іншага сустрэча праходзіла ў межах святкавання 30-годдзя ГА "Таварыства беларускай мовы імя Францішка Скарыны".

2019-07-02 0

Прайшлі першыя заняткі новага сезона "Гістарычнай школы" з Алегам Трусавым

Сёння, 27 чэрвеня, прайшлі першыя заняткі новага сезона "Гістарычнай школы" з Алегам Трусавым, археолагам, гісторыкам беларускай архітэктуры, кандыдатам гістарычных навук. На сустрэчу прыйшло два дзясяткі чалавек рознага ўзросту. Адкрывала сустрэчу старшыня ТБМ спн. Алена Анісім, якая адзначыла, што сёння асабліва адметны дзень не толькі дзякуючы заняткам гістарычнай школы, але і ў сувязі з 30-годдзем ТБМ.

Таксама на сустрэчы ладзіліся прагляды гістарычных фільмаў выбітнага гісторыка Алеся Краўцэвіча пра Мір і Мірскі замак, а Алег Трусаў распавёў пра тое, што засталося за кадрам.

Штомесяц будзе праведзена па 1-2 лекцыі, у якіх сп. Трусаў будзе распавядаць пра гісторыю розных гарадоў Беларусі, сярод якіх Мір, Слонім, Валожын, Мсціслаў і мястэчка Івянец. Тэма другой сустрэчы - "Старажытны Мсціслаў".

Чакаем у офісе ТБМ (вул. Румянцава, 13)  4 ліпеня ў 18:20. Уваход вольны.

2019-06-27 0

Навіны Універсітэта імя Ніла Гілевіча: пададзены пакет дакументаў для атрымання ліцэнзіі (абноўлена)

У пятніцу, 19 ліпеня, старшыня Таварыства беларускай мовы Алена Анісім (ТБМ з'яўляецца заснавальнікам універсітэта) падала падрыхтаваны рэктаратам Універсітэта імя Ніла Гілевіча першы неабходны пакет дакументаў на атрыманне ліцэнзіі для набору студэнтаў ужо на 2020 год, прынамсі, на гэта вялікі спадзеў.

Нагадаем, што ў аўторак, 2 ліпеня, адбылося пасяджэнне рэктарата Універсітэта імя Ніла Гілевіча, на якім былі падведзены вынікі дзейнасці за час атрымання рэгістрацыі і было вырашана ў гэтым месяцы цалкам падрыхтаваць і падаць пакет дакументаў на атрыманне ліцэнзіі для набору студэнтаў ужо на 2020 год па 4-х спецыяльнасцях. Акрамя іншага, сярод дакументаў і 18 вучэбна-метадычных комплексаў, падрыхтаваных нашымі выкладчыкамі.

Таксама кіраўніцтва Універсітэта імя Ніла Гілевіча ўдзячнае за фінансавую падтрымку. У першую чаргу, выказваем падзяку спн. Мотуз і спн. Мікульскай.

Калі маеце магчымасць падтрымаць універсітэт, то па гэтай спасылцы ёсць інструкцыя. Любыя пытанні задавайце праз пошту nhuniversitet@gmail.com.

Чытайце пра нас на сайце ўніверсітэта www.nhu.by і ў інстаграме www.instagram.com/nhu.by.

2019-07-19 0

ТБМ распрацавала канцэпцыю праекта Закона Рэспублікі Беларусь "Аб дзяржаўнай падтрымцы беларускай мовы"

Прапануем для абмеркавання азнаёміцца з канцэпцыяй праекта Закона Рэспублікі Беларусь "Аб дзяржаўнай падтрымцы беларускай мовы", якая прапануецца Грамадскім аб’яднаннем “Таварыства беларускай мовы імя Францішка Скарыны”. Па даручэніі Рады ТБМ канчатковую версію падрыхтаваў намеснік старшыні ТБМ Дзяніс Тушынскі. Спампаваць праект можна тут.

2018-11-16 0