Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

На petitions.by збіраюць подпісы за права атрымаць ад супрацоўнікаў дзяржаўных органаў вусны адказ на мове звароту (абноўлена)

На сайце petitions.by пачалі збіраць подпісы за права атрымліваць ад супрацоўнікаў дзяржаўных органаў вусны адказ на мове звароту. Сабрана ўжо амаль 800 подпісаў, да адсылання петыцыі ў Нацыянальны цэнтр заканадаўства і прававых даследаванняў Рэспублікі Беларусь і Палату прадстаўнікоў Нацыянальгага сходу Рэспублікі Беларусь застаецца 4 дні.

Падпісаць і прачытаць тэкст цалкам можна на старонцы петыцыі.

2019-07-19 0

Навіны Універсітэта імя Ніла Гілевіча: пададзены пакет дакументаў для атрымання ліцэнзіі (абноўлена)

У пятніцу, 19 ліпеня, старшыня Таварыства беларускай мовы Алена Анісім (ТБМ з'яўляецца заснавальнікам універсітэта) падала падрыхтаваны рэктаратам Універсітэта імя Ніла Гілевіча першы неабходны пакет дакументаў на атрыманне ліцэнзіі для набору студэнтаў ужо на 2020 год, прынамсі, на гэта вялікі спадзеў.

Нагадаем, што ў аўторак, 2 ліпеня, адбылося пасяджэнне рэктарата Універсітэта імя Ніла Гілевіча, на якім былі падведзены вынікі дзейнасці за час атрымання рэгістрацыі і было вырашана ў гэтым месяцы цалкам падрыхтаваць і падаць пакет дакументаў на атрыманне ліцэнзіі для набору студэнтаў ужо на 2020 год па 4-х спецыяльнасцях. Акрамя іншага, сярод дакументаў і 18 вучэбна-метадычных комплексаў, падрыхтаваных нашымі выкладчыкамі.

Таксама кіраўніцтва Універсітэта імя Ніла Гілевіча ўдзячнае за фінансавую падтрымку. У першую чаргу, выказваем падзяку спн. Мотуз і спн. Мікульскай.

Калі маеце магчымасць падтрымаць універсітэт, то па гэтай спасылцы ёсць інструкцыя. Любыя пытанні задавайце праз пошту nhuniversitet@gmail.com.

Чытайце пра нас на сайце ўніверсітэта www.nhu.by і ў інстаграме www.instagram.com/nhu.by.

2019-07-19 0

Алена Анісім накіравала ўладам праект закона аб прыпыненні выканання смяротнай кары

Учора, 18 ліпеня, Старшыня ТБМ, дэпутатка Палаты прадстаўнікоў спн. Алена Анісім накіравала праект закона аб прыпыненні выканання смяротнай кары ў Міністэрства юстыцыі і Міністэрства ўнутраных спраў (для іх заўваг і прапаноў, праект дасланы на дзвюх дзяржаўных мовах). 

Праект

ЗАКОН РЭСПУБЛIКI БЕЛАРУСЬ

Аб прыпыненні выканання пакарання ў выглядзе смяротнай кары

Прыняты Палатай прадстаўнікоў
Ухвалены Саветам Рэспублікі

Артыкул 1. Прыпыніць дзеянне артыкула 175 Крымінальна-выканаўчага кодэкса Рэспублікі Беларусь да адмены смяротнай кары.

Артыкул 2. Асобы, у адносінах да якіх ёсць прысуд да смяротнай кары, які ўступіў у сілу, накіроўваюцца ў папраўчыя калоніі ў парадку, прадугледжаным артыкуламі 65 і 70 Крымінальна-выканаўчага кодэкса, для іх утрымання на ўмовах, прадугледжаных у адносінах да асобаў, якія адбываюць пажыццёвае зняволенне.

Прэзідэнт Рэспублікі Беларусь

2019-07-19 0

Першы ў Беларусі ZERO WASTE MARKET

У нядзелю, 21 ліпеня, у культурным цэнтры "Корпус" (пр. Машэрава, 9, корпус 8) з 12:00 да 19:00 адбудзецца першы ў Беларусі ZERO WASTE MARKET - маркет руху "нуль адходаў", дзе вы зможаце купіць zero waste і фермерскія прадукты без пакетаў, даведацца больш пра рух "нуль адходаў" і паспрабаваць веганскую ежу без пакавання. Не забудзьцеся захапіць з сабой кантэйнер і лыжку для ежы. Уваход вольны!

2019-07-19 0

Збор сродкаў на дэбютны альбом гурта Trollwald!

На краўдфандзінгавай платформе ulej.by збіраюць сродкі на дэбютны альбом гурта Trollwald.

Аўтар праекта і ўдзельнік гурта Андрэй Апановіч піша, што праца над матэрыялам для дэбютнага альбома скончана і цяпер застаецца пачаць яго запіс у студыі. Падтрымка трэба для таго, каб:

  • пачаць запіс ўсіх інструментаў і вакалаў ў студыі;
  • зрабіць звядзенне і майстарынг альбома;
  • пачаць працу па візуальным афармленні альбома (стварэнне аўтарскіх ілюстрацый для кожнай песні, афармленне буклета, вокладкі і інш.).

Сабраць плануецца 7662 рублі (пакуль сабрана 6% ад запланаванай сумы). Ахвяраваць можна розныя сумы ад 10 рублёў (за магчымасць спампаваць альбом у сеціве) да 500 рублёў (за размяшчэнне падзякі на фізічным дыску). Сам дыск з альбомам атрымаць можна будзе ахвяраваўшы 14 рублёў.

2019-07-19 0

ТБМ у Лічбах
50000

Сабрана больш 50000 подпісаў пад патрабаваннем забяспечыць кантытуцыйнае права атрымліваць вышэйшую адукацыю на беларускай мове і стварэннем Беларускага нацыянальнага універсітэта.

ТБМ у асобах

Алена Анісім

Філолаг, навуковец, дэпутат Палаты прадстаўнікоў Нацыянальнага сходу Рэспублікі Беларусь па Стаўбцоўскай выбарчай акрузе № 70, cтаршыня ТБМ.

ТБМ у дзеянні

Навіны Універсітэта імя Ніла Гілевіча: пададзены пакет дакументаў для атрымання ліцэнзіі (абноўлена)

У пятніцу, 19 ліпеня, старшыня Таварыства беларускай мовы Алена Анісім (ТБМ з'яўляецца заснавальнікам універсітэта) падала падрыхтаваны рэктаратам Універсітэта імя Ніла Гілевіча першы неабходны пакет дакументаў на атрыманне ліцэнзіі для набору студэнтаў ужо на 2020 год, прынамсі, на гэта вялікі спадзеў.

Нагадаем, што ў аўторак, 2 ліпеня, адбылося пасяджэнне рэктарата Універсітэта імя Ніла Гілевіча, на якім былі падведзены вынікі дзейнасці за час атрымання рэгістрацыі і было вырашана ў гэтым месяцы цалкам падрыхтаваць і падаць пакет дакументаў на атрыманне ліцэнзіі для набору студэнтаў ужо на 2020 год па 4-х спецыяльнасцях. Акрамя іншага, сярод дакументаў і 18 вучэбна-метадычных комплексаў, падрыхтаваных нашымі выкладчыкамі.

Таксама кіраўніцтва Універсітэта імя Ніла Гілевіча ўдзячнае за фінансавую падтрымку. У першую чаргу, выказваем падзяку спн. Мотуз і спн. Мікульскай.

Калі маеце магчымасць падтрымаць універсітэт, то па гэтай спасылцы ёсць інструкцыя. Любыя пытанні задавайце праз пошту nhuniversitet@gmail.com.

Чытайце пра нас на сайце ўніверсітэта www.nhu.by і ў інстаграме www.instagram.com/nhu.by.

2019-07-19 0

Прайшлі першыя заняткі новага сезона "Гістарычнай школы" з Алегам Трусавым

Сёння, 27 чэрвеня, прайшлі першыя заняткі новага сезона "Гістарычнай школы" з Алегам Трусавым, археолагам, гісторыкам беларускай архітэктуры, кандыдатам гістарычных навук. На сустрэчу прыйшло два дзясяткі чалавек рознага ўзросту. Адкрывала сустрэчу старшыня ТБМ спн. Алена Анісім, якая адзначыла, што сёння асабліва адметны дзень не толькі дзякуючы заняткам гістарычнай школы, але і ў сувязі з 30-годдзем ТБМ.

Таксама на сустрэчы ладзіліся прагляды гістарычных фільмаў выбітнага гісторыка Алеся Краўцэвіча пра Мір і Мірскі замак, а Алег Трусаў распавёў пра тое, што засталося за кадрам.

Штомесяц будзе праведзена па 1-2 лекцыі, у якіх сп. Трусаў будзе распавядаць пра гісторыю розных гарадоў Беларусі, сярод якіх Мір, Слонім, Валожын, Мсціслаў і мястэчка Івянец. Тэма другой сустрэчы - "Старажытны Мсціслаў".

Чакаем у офісе ТБМ (вул. Румянцава, 13)  4 ліпеня ў 18:20. Уваход вольны.

2019-06-27 0

Часопісу "Верасень" 10 год, Таварыству беларускай мовы - 30!

Учора, 1 ліпеня, у менскім офісе ТБМ адбылася літаратурная сустрэча з паэтам, бардам, галоўным рэдактарам часопіса "Верасень" сп. Эдуардам Акуліным. Сустрэча была прымеркаваная да дзесяцігоддзя літаратурна-мастацкага часопіса “Верасень”, дваццаты нумар якога выйшаў зусім нядаўна.

На мерапрыемства трапіла некалькі дзясяткаў чалавек, адкрывалі сустрэчу старшыня ТБМ спн. Алена Анісім і Ганаровы старшыня арганізацыі сп. Алег Трусаў. Акрамя іншага сустрэча праходзіла ў межах святкавання 30-годдзя ГА "Таварыства беларускай мовы імя Францішка Скарыны".

2019-07-02 0

ТБМ распрацавала канцэпцыю праекта Закона Рэспублікі Беларусь "Аб дзяржаўнай падтрымцы беларускай мовы"

Прапануем для абмеркавання азнаёміцца з канцэпцыяй праекта Закона Рэспублікі Беларусь "Аб дзяржаўнай падтрымцы беларускай мовы", якая прапануецца Грамадскім аб’яднаннем “Таварыства беларускай мовы імя Францішка Скарыны”. Па даручэніі Рады ТБМ канчатковую версію падрыхтаваў намеснік старшыні ТБМ Дзяніс Тушынскі. Спампаваць праект можна тут.

2018-11-16 0